کنوئی آ تیل انا درآمد آتیا سیبو ءِ کم کننگ کن گچین پالیسی اس تینا کننگ نا گرج ءِ، جام کمال خان

اسلام آباد۔ 03 دسمبر (اے پی پی) بنجائی وزیر واپار جام کمال خان پارینے کہ کنوئی آ تیل انا ہندی پیدوار ءِ ودفنگ کن پائلٹ ڈٹ المی ءِ، کنوئی آتیل انا درآمد آتیا سیبو ءِ کم کننگ کن گچین پالیسی اس تینا کننگ نا گرج ءِ۔ داخیال آتا درشانی ءِ او سے شنبے نادے آ داڑے پاکستان و ناسپتی مینو فیکچررز ایسوسی ایشن نا ڈل اتون اڑدہی ٹی کرے۔ بنجائی وزیر واپار ڈل ءِ کنوئی آ تیلک انا پالیسی کن سلاہ اِرٹ آن مسہ دے اٹی جمع کرفنگ نا پارت کرے۔ وزیر واپار ڈل ءِ انڈونیشیا و ملائیشیا تون ڈیوٹی ٹی کمتی کن مذاکرات نا باوری کرفے۔ جام کمال خان پارے کہ برنج نا بھوسی آن تیل کشنگ نا ڈٹ آ ہم سجفنگ انگ ءِ، کنوئی آ تیل انا بشخ ءِ سوگو کننگ کن حکومت پبی کمک کیک۔ اوپارے کہ کنوئی آ تیل انا درآمد آتیٹی سوگوی کن جوان گام گیج کننگک، خوردنی تیل انا صنعت ءِ مون تروک چیلنج آتیا حکومت چکار کننگ اٹی ءِ۔ وزیر واپار پی وی ایم اے ءِ جہانی مارکیٹ اٹی پاکستانی مصنوعات نا برآمد ءِ ودفنگ نا باوری ہم کرفے ۔