محسن نقوی نا ٹی ٹونٹی ورلڈ کپ نا ٹائٹل ءِ کٹنگ آ قومی بلائنڈ کرکٹ ٹیم ءِ مبارکباد

اسلام آباد۔ 03 دسمبر (اے پی پی) چیئرمین پاکستان کرکٹ بورڈ (پی سی بی ) محسن نقوی ٹی ٹونٹی ورلڈ کپ نا ٹائٹل ءِ کٹنگ آ پاکستان بلائنڈ کرکٹ ٹیم ءِ مبارکبادی پیش کرسا پارینےکہ بلائنڈ کرکٹ ٹیم انا گوازی گر آک شاندار گوازی اس نشان تسر و ٹی ٹونٹی ورلڈ چیمپیئن مننگ نا شرف ءِ دوئی کریر۔ تینا بیان اٹی چیئرمین پی سی بی محسن نقوی پارے کہ مچ آ ٹورنامنٹ اٹی بلائنڈ کرکٹ ٹیم انا گوازی گر آک جوان ءُ گوازی اس پیش کریر۔ کیپٹن نثارعلی و محمد صفدر شاندار بیٹنگ کریر و فائنل اٹی سرسہب مسر۔ اوپارے کہ پاکستان بلائنڈ کرکٹ ٹیم نا مینجمنٹ ءِ ہم مبارکبادی ایتیوہ۔ بلائنڈ کرکٹ ٹیم نا غٹ گوازی گر آک جوزہ اٹ خواری کریر و ٹی ٹونٹی ورلڈ کپ ءِ کٹار۔ ٹورنامنٹ نا ہر میچ اٹی گوازی گرآک گچین ٹیم ورک نا درشانی ءِ کریر۔ اومیت ءِ کہ بلائنڈ کرکٹ ٹیم آخبت اٹ ہم ہندا جوزہ اٹ گوازی کیک و پین سرسہبی دوئی کیک۔