اسپیکر قومی اسمبلی سردار ایاز صادق نا قومی بلائنڈ کرکٹ ٹیم ءِ ٹی ٹونٹی ورلڈ کپ ءِ کٹنگ آمبارکباد

اسلام آباد۔ 03دسمبر (اے پی پی) اسپیکر قومی اسمبلی سردار ایاز صادق قومی بلائنڈ کرکٹ ٹیم ءِ ٹی ٹونٹی ورلڈ کپ ءِ کٹنگ آ مبارکبادی ترساپارینے کہ بلائنڈ کرکٹ ٹیم بنگلہ دیش نا برخلاف جوان ءُ گوازی اس پیش کرے۔ تینا بیان اٹی اسپیکر قومی اسمبلی قومی بلائنڈ کرکٹ ٹیم ءِ ٹی ٹونٹی ورلڈ کپ اٹی شاندار کارکڑد آ خراج تحسین پیش کرے۔ اسپیکر قومی بلائنڈ کرکٹ ٹیم اکن نیک است خواہی نا درشانی ءِ کرے۔ اونا پاننگ ئس کہ قومی بلائنڈ کرکٹ ٹیم پبی لائخی تا مالک ءِ، بلائنڈ کرکٹ ٹیم مچ آٹی ٹونٹی ورلڈ کپ ٹورنامنٹ اٹ جوان ءُ گوازی اس پیش کرے و ناقابل شکست ئس۔ اومیت ءِ کہ قومی بلائنڈ کرکٹ ٹیم آخبت اٹ ہم ہندا روایت ءِ برقرارتخک ۔ اسپیکر قومی اسمبلی پارے کہ بلائنڈ کرکٹ ٹیم ورلڈ کپ ٹائٹل ءِ کٹسا ملک وقوم انا پن ءِ روشنا کرینے، قوم ءِ تینا بلائنڈ کرکٹ ٹیم آ گمر ءِ۔ خصوصی بندغ آتا جہانی دے انا وخت آ بلائنڈ کرکٹ ٹیم انا ٹی ٹونٹی ورلڈ کپ ءِ کٹنگ مچ آ قوم اکن خوشی نا سوب ءِ۔