پاکستان نا سلہہ بند فوج غٹ خطرہ غاتا برخلاف لمہ وطن نا علاقائی سالمیت و وتواجہی نا رکھ ءِ کننگ نا پورو لائخی تخک، سید عاصم منیر

راولپنڈی۔03 دسمبر (اے پی پی) پاک فوج انا سروک جنرل سید عاصم منیر پارینے کہ پاکستان نا سلہہ بند فوج ، قوم انا مخ تفی اٹ، غٹ خطرہ غاتا برخلاف لمہ وطن نا علاقائی سالمیت و وتواجہی نا رکھ ءِ کننگ نا پورو لائخی تخک۔ آئی ایس پی آر نا رداٹ آرمی چیف نارووال و سیالکوٹ اٹی فیلڈ مشق انا دورہ ٹی تران کریکہ۔ آرمی چیف ءِ مشق انا مسخت و اڈتننگ نابارواٹی اسہ جوان ءُ حوال اس تننگا، ہرانا مسخت کسبی مہارت ومیدان جنگ انا وڑوڈول ءِ گچین کننگ ئس ہرا مون آ بروک آپریشنل چیلنج آتون مون تننگ کن المی ءِ۔مشق اٹی آرمر،انفنٹری ، میکانائزڈ انفنٹری، آرٹلری ، ایئرڈیفنس، آرمی ایو ی ایشن و اینٹی ٹینک گائیڈ ڈ میزائل یونٹ آتا کنڈآن مربوط فائر و مینیوور آپریشنز کننگا۔ دامشق اٹی جنگی لائخی و معلومداری آپریشن تا گچین کاریم اٹ اتنگ نا ہم درشانی ءِکننگا ہرادشمن نا مواصلات اٹی اڑاند شاغنگ و پوسکن آ میدان جنگ نا چاگڑد اٹ غلط معلومداری نا حکمت عملی تا مقابلہ ءِ کننگ کن ڈیزین کننگانے۔ آرمی چیف مچ آ دے فوجی تتون میدان اٹی گدریفے، اوفتا ہیلکاری آب، آپریشنل تیاری و بڑزحوصلہ غاتا ستاءِ کرے۔ بشخ ہلوک آتون تینا ہیت و گپ اٹی، اومخالف واکداری تا کنڈآن لاحق ہروڑنا گمانی خطرہ غاتا مقابلہ ءِ کننگ کن آخبت تیاری تے برقرارتخنگ نا اہمیت آ ہم زور شاغا۔ داکان مست، مشق انا علاقہ ٹی سرمننگ آ ، کمانڈر گوجرانوالہ کور و انسپکٹر جنرل آف ٹریننگ اینڈ ایویلیو ایشن آرمی چیف ءِ بخیرکریر۔