اسلام آباد۔ 03 دسمبر (اے پی پی) بنجائی وزیر خزانہ سینیٹر محمد اورنگزیب کمپٹیشن کمیشن نا دورہ ءِ کرے و کمیشن نا کارکڑد آ سرجمی اٹ حوال ہلک۔ تینا دورہ ٹی اوپارے کہ چندی زرگزرانی بشخ و مارکیٹ آتیان کارٹلائزیشن ناچٹفنگ کن سخت گام گیج کننگے، چیف جسٹس آن خواست کینہ کہ سپریم کورٹ اٹی کمپٹیشن نا بابت مقدمہ غاتیا خصوصی بنچ اس جوڑ کے، ہرامقدمہ غاتیٹی حکومت نا ریونیو نا باندات مرے ، اوفتیا سپریم کورٹ کمکاری کے۔ اوپارے کہ مقدمہ غاتا پیروی کن کمپٹیشن کمیشن ملک انا گچین وکیل آتا خذمت دوئی کے۔ وزیرخزانہ پارے کہ حکومت کارٹلائزیشن ناچٹفنگ کن کمپٹیشن کمیشن ءِ پورو سپورٹ فراوان کیک، مارکیٹ آتا مانیٹرنگ کن پوسکن آ تکنیک و ڈیٹاءِ کاریم اٹ اتے۔ اوپارےکہ مارکیٹ ڈیٹاناانالسز و مانیٹرنگ کرسا کارٹل آتے ہلنگے و کمپٹیشن کمیشن مارکیٹ اٹی گٹھ جوڑ نا برخلاف برجا انکوائری تے زوت پورو کے۔ اوپارے کہ غٹ ریگولیٹری و کانود نافذ کروک آادارہ غاک باہم ہم گرنچی اٹ گچین نتیجہ تننگ کیرہ۔ مارکیٹ آتیٹی شفافیت و مقابلہ نا چاگڑد فراوان کننگ کن حکومت کمیشن ءِ ہروڑنا سپورٹ کیک۔محمد اورنگزیب پارے کہ کمپٹیشن کمیشن ءِ سوگو بنداوتیا سلنگ کن آٹومیشن کننگے و حکومتیادارہ غاک کمپٹیشن کمیشن نا چندی بشخ آتا ریسرچ رپورٹ آتیان فائدہ ہرفر۔ اومستی پارے کہ پالیسی پیدوار ءِ کہ ہراکاروبار نجی بشخ انا کننگ نا ءُ، حکومت دافتے ٹی اوارمفک، کمپٹیشن کمیشن نا کارکڑد بھاز جوان ءِ، دادے پین فعال کینہ۔
