اسلام آباد۔2دسمبر (اے پی پی): بنجاھی وزیر تجارت جام کمال خان ءَ گوں پاکستان ءَ ازبکستان ءِ سفیر علی شیر توقتایوف ءَ گند ءُ نند کت۔ وزارت تجارت ءِ برجاھیں جار ءِ رد ءَ دو شمبے ءِ روچ ءَ برجم داشتگیں گند ءُ نند ءَ دوئیں ملک آنی نیام ءَ کاروباری موہ، دو نیمگی سیادی، سیل ءُ سواد ءُ دود ءُ ربیدگی رابطہ آنی سر ءَ گپ ءُ تران کنگ بوتگ۔ بنجاھی وزیر تجارت ءَ ازبکستان ءِ بنیاتی ڈھانچہ ءُ ترندیں دیمروئی ءِ سرا ستا کرتگ۔ آئی ءَ گوشت کہ ازبکستان ءَ ریل ءِ نظام سک باز دلگوش کرزیں انت۔ بنجاھی وزیر ءَ پاکستان ءُ ازبکستان ءِ نیام ءَ انوگیں وھد ءَ بندات بوتگیں بالی گراب آنی بابت ءَ ھم گپ ءُ تران کت۔ جام کمال ءَ گوشت کہ دوئیں ملک آنی نیام ءَ بالی تر ءُ تاب ءِ تہ ءَ گیشی ءِ گوما ایشی ءَ را آسان جوڑ کنگ ءِ واستہ ھم کوشست کنگ بوھگ ءَ انت، ویزہ ءِ کار آسان کنگ بوھگ ءَ انت، ایشی ءَ چہ دوئیں ملک آنی نیام ءَ بیپار ءُ سیل ءُ سواد ءَ را دیمروئی رسیت۔ ازبکستان ءِ سفیر ءَ گوشت کہ کشت ءُ کشاری، وردن، دوائی ءُ سیل ءُ سواد ءِ وڑیں شوبگ آنی تہ ءَ دو نیمگی تجارت ءَ را گیش کنگ ءِ ضلورت اِنت۔ آئی ءَ گوشت کہ کمک ءِ تہ ءَ گیشی ءُ کاروباری سیادی ءُ رھشونی ءِ دیمروئی ءِ واستہ ازبکستان ءِ سفارتخانہ 24کلاک ساڑی اِنت۔ سفیر ءَ وت مہ وتی مول ءُ مراد آنی سر ءَ سر بوھگ ءِ واستہ برجاھیں محنت ءُ کمک ءِ ارزشت ءِ سر ءَ ھم زور پر دات۔ جام کمال خان ءَ مزن وزیر شہباز شریف ءِ ازبکستان ءِ متوقع تر ءُ تاب ءِ ساھت ءَ بنجاہی ایئر لائنز ءِ گوما شریکداری ءِ واستہ تجارت ءُ سفری رابطہ ءَ را گیش کنگ ءِ سوج داتگ گند ءُ نند ءِ گڈ ءَ بنجاھی ءِ وزیر ءَ ازبکستان ءِ صدر ءَ را ھم مبارک بات داتگ ۔
