اسلام آباد۔2دسمبر (اے پی پی): مزن وزیر محمد شہباز شریف 3 ءُ 4 دسمبر ءَ سعودی عرب ءِ تر ءُ تاب ءَ کنت ءُ ’’یک آپ ءِ سروک دیوان‘‘ ءَ بہر زوریت۔ دو شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ سعودی عرب، فرانس، قازقستان ءُ ورلڈ بینک ءِ نیمگ ءَ برجم داشتگیں سروک دیوان ءِ مول ءُ مراد ایش اِنت کہ مزنیں تک ءِ سیاسی زمہ واری آنی وسیلگ ءَ آپی وسیلگ آنی بندوبست ءِ تہ ءَ جھان ءِ کمک ءُ یکجاھیں میاں اوستمانی رھبند ءِ دیمروئی کنگ بہ بیت۔ بیان ءِ رد ءَ مزن وزیر سروک دیوان ءَ کلیتی گشتانک دنت، ایشی ءِ تہ ءَ وشیں آپ ءِ وسیلگ ءُ تالاب آنی رد ءَ بحالی، رکھینگ ءُ موافقت ءِ سر ءَ دلگوشی دیگ بیت۔ مزن وزیر محمد شہباز شریف ءَ پاکستان ءِ نیمگ ءَ آپ ءِ رکھینگ ءِ دیمروئی ، موسمی بدلی ءِ اثر آناں برداشت کنگ ، آپ ءِ کوالٹی ءَ را گہتر کنگ ، زندمان ءِ تہ ءَ گیشی ءُ زندمان ءِ تنوع ءِ رکھینگ ءِ واستہ کتگیں گامگیج آنی سر ءَ ھم چمشانک دات۔ مزن وزیر ءَ موسمیاتی بدلی ءِ سبب ءَ بوتگیں سیلاب، غیر معمولی ءُ شدید موسمی جاور ءُ آپی وسیلگ ءُ ماحولیاتی نظام ءِ سر ءَ گرمی ءِ زور ءِ اثرات ءِ گوما گر ءُ چیل بوھگ ءِ واستہ میاں اوستمانی کمک ءِ ارزشت ءِ سر ءَ زور پر دات، ایشی ءَ ابید آپی وسیلگ آنی پائیڈار انتظام ءِ واستہ دو نیمگی گند ءُ نند آنی واستہ بامردیں میاں اوستمانی کمک ءِ سر ءَ زور پر دات۔ ءُ سروک دیوان ءِ موہ ءَ مزن وزیر ءِ مشغولیت ءِ امیت انت۔
