اسلام آباد۔2دسمبر (اے پی پی): بنجاھی تہی کارانی وزیر محسن نقوی ءَ متحدہ عرب امارات ءِ حکومت، سفیر ءُ الس ءَ را راجی روچ ءِ مبارک بات داتگ۔ امارات ءِ راجی روچ پاکستان ءِ واستہ ھم سک باز المی اِنت دوشمبے ءِ روچ ءَ متحدہ عرب امارات ءِ راجی روچ ءِ درگت ءَ وتی کلوہ ءِ تہ ءَ بنجاھی وزیر محسن نقوی ءَ گوشت کہ اے روچ اے مزنیں ملک ءِ دیمروئی، برجائی ءُ وشھالی ءِ علامت اِنت۔ متحدہ عرب امارات ءِ سروکی ءَ بے مٹیں کار ءُ جزم ءِ وسیلگ ءَ دنیا ءِ تہا وتی جاہ جوڑ کتگ، پاکستان ءُ امارات ءِ نیام ءَ براتی سیادی وھد ءِ گوزگ ءَ گوں مھکم بوھگ ءَ انت، امارات ءَ مدام ہر چکاس ءَ پاکستان ءِ کمک کتگ۔ آئی ءَ گوشت کہ پاکستان ءَ امارات ءِ گوما وتی سیادی آنی سر ءَ پھر انت ۔ دوئیں ملک آنی نیام ءَ مھکمیں تجارتی سیادی دیمروئی کنوکیں سیادی ءِ ثبوت انت۔ پاکستان امارات ءِ گوما دو نیمگی سیادی ءَ را گیش ودینگ ءِ واستہ جزمیگ انت۔ مئے دعا انت کہ متحدہ عرب امارات مدام دیمروئی ءِ راہ ءَ بات انت۔
