اسلام آباد۔2دسمبر (اے پی پی): راجی اسمبلی ءِ اسپیکر سردار ایاز صادق ءَ متحدہ عرب امارات ءِ 53می راجی روچ ءِ درگت ءَ مبارک بات داتگ کہ صدر شیخ محمد بن زاید النہیان ءِ سروکی ءَ بے دروریں دیمروئی بوتگ۔ امارات ءِ تیزی ءَ گوں دیمروئی ستا کرز اِیت۔ دوشمبے ءِ روچ ءَ وتی بیان ءِ تہ ءَ راجی اسمبلی ءِ صدر ءَ گوشت کہ پاکستان متحدہ عرب امارات ءِ گوما وتی راجدپتری براتی سیادی ءَ را سک باز ارزشت دنت ءُ دوئیں ملک آنی دیمروئی ءِ تہ ءَ سرگرمیں کرد پیلو کنگ ءَ انت۔ راجی اسمبلی ءِ اسپیکر سردار ایاز صادق ءَ گوشت کہ دوئیں ملک آں ھمک مشکلیں وھد ءَ یک ءِ دومی ءِ کمک کتگ، پاکستان ءَ امارات ءِ گوما وتی سدائمی دوستی ءِ سر ءَ پھر انت، پاکستان ءَ امارات ءِ گوما مھکمیں اقتصادی شریکڈاری است انت راجی اسمبلی ءِ اسپیکر ءَ یو اے ای ءِ سروک ءُ الس آنی واستہ نیکیں واھگ آنی درشان کت۔
