اسلام آباد۔ 02 دسمبر (اے پی پی) بنجائی وزیر داخلہ محسن نقوی قومی دے آ متحدہ عرب امارات نا حکومت، سفیر و الس ءِ است انا حب اٹ مبارکبادی ترسا پارینے کہ قومی دے آ یواے ای نا ایڑھ ایلم تا خوشی تیٹی بریبرنا شریک اُن۔ یواے ای نا قومی دے پاکستان کن ہم بھاز اہمیت تخک۔ دوشنبے نادے آ متحدہ عرب امارات نا قومی دے آ تینا کلہو اٹی بنجائی وزیر محسن نقوی پارے کہ دادے دا عظیم ملک انا شونداری، سوگوی و شونہالی نا نشانی ءِ، متحدہ عرب امارات نا سرکڑدہ ئی سخت خواری و عزم انا کمک اٹ اقوام عالم اٹی تینا ہند اس جوڑ کرینے، پاکستان ومتحدہ عرب امارات نا ایلمی تعلقداری وخت اتون اوار اوار پین سوگو مننگ ءِ، یواے ای مدام ہرآزمائشت اٹی پاکستان تون تفینے۔ اوپارے کہ پاکستان ءِ یواے ای تون تعلقداری آ گمر ءِ۔ ہڑتوم آملک آتا نیام اٹ سوگوواپاری تعلقداری ودوک آ رابطہ غاتا شاہدی ءِ۔ پاکستان متحدہ عرب امارات تون ہڑتوم آ کنڈآتا تعلقداری تے پین ودفنگ کن سنبرینگوک ءِ۔ دعاکینہ کہ متحدہ عرب امارات مدام شونداری نا کنڈآ کائے۔
