اسلام آباد۔ 02 دسمبر (اے پی پی) اسپیکر قومی اسمبلی سردار ایاز صادق متحدہ عرب امارات نا 53 می قومی دے اناوخت آ متحدہ عرب امارات نا سرکڑدہ و الس ءِ مبارکبادی ترساپارینے کہ متحدہ عرب امارات صدر شیخ محمد بن زاید النہیان نا کماشی ٹی شونداری نا بے مٹ مزل آتے طے کرینے ، یواے ای نا بے کچ ترندی اٹ شونداری نا مزل آتے طے کننگ ستاکڑزک۔ پاکستان و متحدہ عرب امارات نا نیام اٹ تاریخی برادرانہ تعلقداری ساڑی ءِ۔ دوشنبے نادے آ تینا بیان اٹی اسپیکر قومی اسمبلی پارےکہ پاکستان متحدہ عرب امارات تون تینا تاریخی برادرانہ تعلقداری تے بھاز اہمیت ایتک، ہڑتوم آملک آتاالس اٹ گہری تعلقداری ءِ ، پاکستانی پردیسی تا بھلو کچ اس یواے ای ٹی رہینگ انگ ءُ و ہڑتوم آ ملک آتا شونداری ٹی پبی کڑد ادا کننگ ءُ۔ اسپیکر قومی اسمبلی سردار ایاز صادق پارے کہ ہڑتوم آملک آک ہر مشکل وخت اٹی اسہ ایلو تون تفینو، پاکستان ءِ یواے ای تون تینا سدابہار سنگتی آ گمر ءِ، پاکستان یواے ای تون تینا تاریخی برادرانہ تعلقداری تے سوگو اقتصادی شریداری نا کمک اٹ پین سوگو کننگ نا خواہندار ءِ۔ اسپیکر قومی اسمبلی یواے ای نا سرکڑدہ و الس کن نیک است خواہی تا درشانی ءِ کرے۔

متعلقہ مضامینمصنف کی طرف سے مزید