لاہور۔ 02 دسمبر (اے پی پی) چیئرمین وزیراعظم یوتھ پروگرام رانا مشہود احمد خان پارینے کہ حکومت ورناتے واکدار کننگ کن گام گیج کننگ اٹی ءِ، زندہ قومک تیناتاریخ ءِ است آن دپسہ، ننا ورناک شونہال پاکستان نا ہراول دستہ غاک ءُ، ریسکیو 1122اسہ مثالی ءُ ادارہ اسے، غٹ جامعہ غاتیٹی گرین یوتھ موومنٹ نا بابت پروگرام نا بناءِ کننگانے۔ داخیال آتا درشانی ءِ او قومی منشاکار آتا جہانی دے انا وخت آ ریسکیو ایمرجنسی اکیڈمی ٹھوکر نیاز بیگ اٹی اڈ ہلوک دود آن تران کرسا کرے۔ ڈی جی ریسکیو ڈاکٹر رضوان نصیر و ایلو فک داوخت آ ساڑی ئسر۔ رانا مشہود احمد خان پارے کہ مستین اٹ نن دا ادارہ نا کمکاری اٹ ڈینگی نا دین نا جوان وڑاٹ مون ءِ تورین، وخت اس کہ یواین او ہم ننا کیہی ڈٹ آتیٹی کمکاری کننگ ءِ، ڈینگی ٹی ریسکیو 1122قابل قدر خذمت تس و بھاز بھلو کچ اسے ٹی انسانی جون تے نسخان آن بچفنگا۔ داوخت آ منشا کار آتا قول کروک آ مبارکباد نا حقدار ءُ۔ اوپارے کہ قومی منشاکار مدام راج انا خیرخواہی کن کاریم کیرہ، علاقہ غاتیٹی ہنسا ہراوڑدا خذمت کیرہ ہراوڑ اوفک ہیلتھ ڈیپارٹمنٹ پنجاب ءِ اسہ پوسکن آ بڑزی تسکان سرکریر تو پنجاب دارداٹ خوش بخت ءِ۔ اوپارے کہ 2008 اٹی ننا حکومت بس تو ریسکیو 1122 ءِ اسہ ورنااس لیڈ کریکہ، دانا دنگ بھاز محدود ئس، ولے ہراتم ہمووخت اناوزیراعلیٰ پنجاب نا دور اٹی ماڈل درستی راستی کرفنگا تو نئے بیرہ اوفک اونا ستاءِ کریر بلکن دانا تینٹ چاروکی ءِ کریر، ہرابندغ داادارہ ءِ جوڑ کرے و چلیفے ہموبندغ نا اخس ستاءِ کننگے کم ءِ، ڈاکٹر رضوان نصیر نا خذمت آتے خراج تحسین پیش کیوہ۔ اوپارے کہ ہراتم اسکان پاکستان اٹ نے کو ن آ قومی جوزہ تخوک آ منشاکار ورناک ساڑی ءُ پاکستان نا نظریاتی اساس آ ہچ ءُ جلہو اس سرسہب مننگ کپک۔ پاکستان ءِ اسہ سازش اس ہم بھسکاری ناکنڈآ دننگ کپک، اوپارے کہ اینو پاکستان دنیا نا مہذب راج آتیٹی شمار کننگک و منشاکار انہ وڑاٹ درست کننگک۔ اوپارے کہ پاکستان نا اساس آ وار وار جلہو مننگ ءِ، شام، عراق، لیبیا، مصراٹی مخلوق ءِ اسہ ایلو تون جنگ تننگا و بے چیٹی ودی کننگا۔ پاکستان اٹ شام، عراق، لیبیا کون آ حالیت ودی کننگ نا ناپاک سازش ءِ بے سہب کینہ و ملک آ ہچ ءُ آنچ اس بننگ کن اِلیپنہ۔
