اسلام آباد۔ 02 دسمبر (اے پی پی) بنجائی وزیر حوالکاری ، شینکاری،قومی میرات و دودوربیدگ عطاء اللہ تارڑ انگریزی اخبار ’’دی نیشن ‘‘ نا ایڈیٹر سلمان مسعود نا باوہ نا کزیت آڈکھیائی و است ہسونی نا درشانی ءِ کرینے۔ دوشنبے نادے آتینا ہڑزخواہی بیان اٹی بنجائی وزیر حوالکاری سلمان مسعود و ایلوخاہوت آتون دلی ہڑزخواہی و ہمدردی نا درشانی ءِ کرسا پارےکہ سلمان مسعود نا باوہ نا کزیت نا خبر ءِ بنگٹ است ہسون مس، باوہ نا کزیت بے بدل ءُ نسخان اسے۔ پدسلوک آتا ڈکھیائی ٹی بریبرنا شریک اُن۔ اودعاکرے کہ اللہ تعالیٰ ایماندار نا بخشش ءِ کے و خاہوت ءِ صبر وجمیل ایتے۔
