اسلام آباد۔1دسمبر (اے پی پی):سینیٹ ءِ چیئرمین سید یوسف رضا گیلانی ءَ صوبہ ءِ زرباری راجدپتر ءُ دود ءُ ربیدگی ارزشت ءِ ھوالگ ءَ سندھی دود ءُ ربیدگی روچ ءِ درگت ءَ صوبہ ءِ الس ءَ را مبارک بات داتگ۔ یک شمبے ءِ روچ ءَ وتی کلوہ ءِ تہ ءَ آئی ءَ سندھ ءَ را کوھنیں تہذیب ءِ جھولا لیک اتگ کہ آ وتی گہتریں روایات، ارزشت ءُ مثالی مہمان داری ءِ سبب ءَ زانگ بیت۔ آئی ءَ اے گپ ءِ سر ءَ زور پر دات کہ مھر، مخلصی ءُ خیرات سندھی دود ءُ ربیدگ ءِ نامداریں رنگ اَنت۔ چیئرمین سینیٹ ءَ پاکستان ءِ کثیر ثقافتی پجار ءِ جوانی ءَ را ھم پدر کت۔
