اسلام آباد۔1دسمبر (اے پی پی):ملائیشیا ءِ درئی کارانی وزیر حاجی محمد بن حاجی حسن ءَ گوں نائب مزن وزیر ءُ درئی کارانی وزیر سینیٹر محمد اسحاق ڈار ءَ ٹیلی فون ءَ گپ ءُ تران کت۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی پوسٹ ءِ تہ ءَ نائب مزن وزیر ءَ ملائیشیا ءَ گوستگیں سیلاب ءُ ھئور ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشانی کت۔ آئی ءَ ملائیشیا ءِ الس ءِ گوما پاکستان ءِ سرجمیں یکجہتی ءِ درشان کت ءُ اے گرانیں وھد ءَ ملائیشیا ءَ را ترندیں انسانی کمک پجاری ءِ واھشت ءِ درشان کت۔ دوئیں وزیر آنی نیام ءَ دوئیں ملک آنی ڈزاسٹر ریلیف واکدار آناں پاکستان ءِ نیمگ ءَ چہ انسانی کمک ءِ ھوالگ ءَ گپ ءُ تران برجاہ دارگ ءِ واستہ دلبڈی دیگ ءِ سر ءَ ھم تپاک کنگ بوتگ۔
