پیرس۔30نومبر (اے پی پی):فرانس ءَ پاکستان ءِ سفیر عاصم افتخار احمد ءَ گوشت کہ درملک ءَ پاکستانی آناں آسراتی پجارینگ حکومت ءِ اولی ترجی اِنت، سفارتخانہ اے مول ءُ مراد ءِ سر ءَ سرجمی ءَ پابند اِنت پیرس ءَ جاڑی بوتگیں بیان ءِ رد ءَ۔ ادارگ ءِ نیمگ ءَ شنگ بوتگیں آئی ءَ اے گپ پیرس ءَ پاکستان مشن ءَ پچیں آمید گس ءَ پاکستانی کمیونٹی ءِ باسک آنی گوما گپ ءُ تران کنان ءَ گوشت۔ اے موہ ءِ سر ءَ آئی ءَ جوانیں قونصلر سروسز ءِ پھجارینگ ءُ شکایت آنی گیواری ءِ سر ءَ دلگوشی دات۔ پاکستانی سفیر ءَ یک رندے پدا گوشت کہ درملکی پاکستانی آناں آسراتی دیگ حکومت ءِ اولی ترجی اِنت ءُ سفارتخانہ اے مول ءُ مراد ءِ واستہ سرجمی ءَ جزم اِنت۔ آئی ءَ پاکستان سٹیزن پورٹل، او پی ایف ءُ محتسب ءِ کارگس ءَ ھوار سرکاری محکمہ آنی ھوالگ ءَ جیڈھ ءُ شکایت آنی گیواری ءِ واستہ ھواریں کارروائی آناں سرپد کت ءُ کمیونٹی ءَ را اے فورم آناں سرجمی ءَ کارمرد کنگ ءِ واستہ دلبڈی دات۔ آئی ءَ پاکستان ءُ یورپ ءِ نیام ءَ براہ راست بالی گراب آنی واستہ ای اے ایس اے ءِ اجازت ءِ ھوالگ ءَ جار ءِ وش اتک کت، اے کمیونٹی ءِ دیریں لوٹ آنی تہ ءَ یک اِنت، ایشی ءَ را زوت پیرس ءَ پی آئی اے ءِ بالی گراب آناں ھم گیش کنگ بیت ایشی ءَ چہ وشھالی ءِ سبب جوڑ بیت۔ آئی ءَ گوشت کہ اے حکومت ءِ یکجائی کوشست آنی آسر انت۔
