اسلام آباد۔30نومبر (اے پی پی):اینٹی منشیات فورس ءَ کراچی ءِ چندری گڑھ روڈ ءَ جاہ منندیں جنرل پوسٹ آفس ءَ مزنیں کساسے ءَ منشیات برآمد کتگ ءُ درملک ءَ روان داتگیں پارسل ءِ تہ ءَ مزنیں کساسے ءَ منشیات برآمد کتگ۔ اے این ایف ءِ جارکش ءِ نیمگ ءَ شنگ بوتگیں بیان ءِ رد ءَ پارسل ءِ تہ ءَ زھگانی پوشاک ءِ تہ ءَ جذب بوتگیں 3 کلو 800 گرام یخ دست کپتگ۔ ترجمان ءَ گشتگ کہ مذکورہ پارسل پشاور ءِ نندوکیں مردمے ءَ نیوزی لینڈ ءِ ھاتر ءَ بک کتگ۔ پارسل قبضہ ءَ گرگ بوتگ ءُ ملزم ءِ دزگیر کنگ ءِ واستہ کارروائی کنگ بوتگ۔ اے این ایف راجی ءُ میاں اوستمانی تک ءَ منشیات ءِ سوداگری ءِ ھلاپ ءَ جنگ ءِ ھاترا جزم انت۔ انوگیں کارروائی منشیات ءِ سوداگری ءِ ھلاپ ءَ جنگ ءِ تہ ءَ اے این ایف ءِ بے مٹیں عزم ءِ درشان اِنت۔ منشیات ءِ سوداگری ءِ تہا ہواریں عناصر انسانیت ءِ دژمن انت ءُ ہچ وڑیں رعایت ءِ مستحق نہ انت۔
