اسلام آباد۔29نومبر (اے پی پی): وفاقی وزیر خزانہ سینیٹر محمد اورنگزیب ءَ ڈیجیٹل معیشت ءُ ڈیجیٹل یکجاھی ءِ ارزشت ءَ را ملک ءِ اقتصادی بدلی ءِ واستہ یک ھاسیں جز ءِ رنگ ءَ لیک اتگ۔ پاکستان ءَ آیوکیں نسل ءِ موبائل براڈ بینڈ سروسز ءِ گہتری ءِ واستہ آئی ایم ٹی سپیکٹرم ءِ جاری کنگ ءِ مشاورتی کمیٹی ءِ جار جنگ بوتگ۔ وزیر صنعت ءُ پیداوار رانا تنویر حسین، انفارمیشن ٹیکنالوجی ءُ ٹیلی کمیونیکیشن ءِ وزیر مملکت شازہ فاطمہ خواجہ، چیئرمین پی ٹی اے، سیکرٹری وزارت انفارمیشن ٹیکنالوجی، سیکرٹری وزارت کانود ءُ سیادی داروکیں وزارت ءُ محکمہ آنی سینئر افسر آنی نیمگ ءَ چہ گپ ءُ تران کنگ ءَ بہر زرتگ۔ جتا جتائیں جیڈھ آنی سر ءَ امریکی کنسلٹنٹ فرم نیرا ءِ نیمگ ءَ چہ کتگیں پیشرفت ءِ سر ءَ پی ٹی اے ءِ نیمگ ءَ نومبر 2024 ءَ پاکستان ءِ مارکیٹ ءِ واستہ پی پی آر اے رولز/ای پی اے ڈی ایس ءِ رد ءَ چار ءُ تپاسی کنگ بوتگ۔ اے شعبہ ءِ اصلاحات ءُ سوبمندیں سپیکٹرم نیلامی ءِ ھاتر ءَ چار ءُ تپاسی، سٹیک ہولڈرز ءِ گوما شور ءُ سلاہ، پالیسی ءِ سفارشات ءُ روڈ میپ ءِ جوڑ کنگ ءِ ھاتر ءَ ایر کنگ بوتگ۔ طیف ءِ نیلامی ءِ عمل آیوکیں سال ءِ اپریل ءَ تاں سرجم کنگ ءِ منصوبگ انت۔ وزیر خزانہ سینیٹر محمد اورنگزیب ءَ ڈیجیٹل معیشت ءُ ڈیجیٹل یکجاھی ءِ ارزشت ءِ سر ءَ زور پر دات ءُ ملک ءِ اقتصادی بدلی ءِ واستہ یک ھاسیں بھر ءِ رنگ ءَ لیک اِت۔ آئی ءَ گوشت کہ حکومت رابطہ کاری ءَ را گہتر کنگ ءُ ڈیجیٹل انفراسٹرکچر ءَ را مھکم کنگ ءِ واستہ جزم انت تانکہ نوکیں ڈیجیٹل ٹیکنالوجی ءُ جدید ایپلی کیشنز ءَ را گیش ءُ گیوار کنگ ءَ را دل یکیمی کنگ بہ بیت۔ آئی ءَ گوشت کہ اے گامگیج جتاجتائیں شوبگ آنی تہ ءَ چاگردی ءُ اقتصادی دیمروئی، اقتصادی چست ءُ ایر آنی تہ ءَ مٹ ءُ بدل کنگ ءُ پائیدار دیمروئی ءِ مول ءُ مراد آنی سرجمی ءَ کمک رسیت۔
