اسلام آباد۔29نومبر (اے پی پی): راجی اسمبلی ءِ اسپیکر سردار ایاز صادق ءَ گشتگ کہ پاکستان ءُ روس ءِ نیام ءَ پارلیمانی سیادی ءِ دیمروئی ءَ چہ دو نیمگی سیادی گیش مھکم بنت۔ جمعہ ءِ روچ ءَ شنگ بوتگیں پریس ریلیز ءِ رد ءَ راجی اسمبلی ءِ سروک ءَ پارلیمانی ڈل ءِ گوما روس ءِ فیڈریشن کونسل ءِ سروک ویلنٹینا میٹ ویانکو ءَ گوں گند ءُ نند کتگ ءُ روس ءِ فیڈریشن کونسل ءِ سیکرٹری ویلنٹینا میٹ ویانکو ءِ منت گپتگ۔ آئی ءِ جوانیں مہمان جھلی ءِ پد ءَ آ باز گل ءُ شات بوت ۔ ویلنٹینا میٹ ویانکو ءَ پاکستان ءِ تر ءُ تاب ءِ ساھت ءَ جوانیں وش اتک ءُ مہمان داری ءِ پد ءَ پاکستان ءِ پارلیمنٹ ءَ را شگر ءُ منت درشان کت آئی ءَ گوشت کہ دوئیں ملک آنی نیمگ ءَ چہ پارلیمانی سیادی آنی دیمروئی وش اتک کنگ بیت، دو نیمگی سیادی ءَ را گیش مھکم جوڑ کنگ ءَ پارلیمانی سفارتکاری المی اِنت۔ گوشت کہ روس پاکستان ءُ روس ءِ نیام ءَ پارلیمانی سیادی آنی تہ ءَ گیشی ءِ ساڑات ءَ کنت۔ سردار ایاز صادق ءَ پاکستان ءَ برجم داشتگیں اولی ایس پی کے کانفرنس ءَ وتی ھمکار ءِ بھر زوری ءُ کمک ءِ ساڑات کت راجی اسمبلی ءَ دوئیں ملک آنی نیام ءَ سفارتی، پارلیمانی ءُ حکومتی سیادی آنی تہ ءَ گیشی ءِ سر ءَ دل یکیمی ءِ درشان کت۔ ملکاں چہ بوتگ۔ ملک آنی صدر ءُ مزن وزیر آنی نیام ءَ گوستگیں گند ءُ نند ءُ مزن تک ءِ ڈل آناں مھکم کنگ ءِ واستہ دو نیمگی سیادی ءَ را گیش مھکم کنگ ءِ واستہ مزنیں ارزشت ءِ است انت ایشی ءِ تہ ءَ سپیکر سردار ایاز صادق ءَ دوئیں ملک آنی پارلیمنٹ ءِ باسک آنی نیام ءَ سیادی ءَ را دیمروئی دیگ ءِ ضلورت ءِ سر ءَ زور پر دات۔ آئی ءَ گوشت کہ پاکستان ءِ مزن وزیر شہباز شریف ءِ واھشت انت کہ دوئیں ملک آنی نیام ءَ اقتصادی ءُ کاروباری سیادی آناں دیمروئی دیگ بہ بیت۔ دوئیں ملک آنی نیام ءَ پارلیمانی، سفارتی ءُ دو نیمگی سیادی آناں گیش کنگ ءِ واستہ ویانکو ءِ جزم ءِ ستا کنان ءَ ویلنٹینا مٹز ویانکو ءَ ساپکارڈ ءِ تر ءُ تاب ءَ را دوئیں ملک آنی نیام ءَ پارلیمانی سفارتکاری ءَ را دیمروئی دیگ ءِ تہ ءَ یک ھاسیں سنگ میل ءِ رنگ ءَ گوشت۔ کہ دوئیں ملک آنی نیام ءَ اقتصادی، تجارتی ءُ کاروباری سیادی آناں گیش کنگ ءِ واستہ بازیں موہ است انت۔ پارلیمانی ڈل ءِ باسک راجی اسمبلی رانا محمد حیات خان، سید آغا رفیع اللہ، عبدالقادر پٹیل، ڈاکٹر محمد فاروق ستار ءُ شیر علی ارباب ھوار اتنت۔
