اسلام آباد۔29نومبر (اے پی پی):نائب مزن وزیر ءُ درئی کارانی وزیر استورک محمد اسحاق ڈار مشهد ایران ءِ تر ءُ تاب ءَ کنت ءُ 2 ءُ 3 دسمبر ءَ اقتصادی کمک ءِ گل ای سی او ءِ وزیرانی کونسل ءِ 28می دیوان ءَ بہر زوریت۔ اے گپ جمعہ ءِ روچ ءَ ادا ھپتگی پریس بریفنگ ءِ ساھت ءَ درئی کارانی کارگس ءِ جارچین ممتاز زھرہ بلوچ ءَ کت اَنت۔ آئی ءَ گوشت کہ گند ءُ نند ءِ ساھت ءَ نائب مزن وزیر ایکو چارٹر ءِ سر ءَ پاکستان ءِ جزم ءِ یک رندے پدا پدر کنت ءُ ایکو ءِ دمگ ءِ گوما گیشیں رابطہ ءِ امکان آناں پدر کنت گنجائش ءِ تہ ءَ گیشی ءِ واستہ سڑک ءُ ریل نیٹ ورک ءِ کار آنی دیمروئی، ویزہ ءِ نظام ءِ تہ ءَ نرمی ءُ آسان کنگ۔ جارکش ءَ گوشت کہ نائب مزن وزیر ءُ دری کارانی وزیر سینیٹر محمد اسحاق ڈار ءُ میاں اوستمانی تک ءَ استیں جاور ھال آنی سبب ءَ دمگی امن ءُ ایمنی ءِ ھوپ ءَ پاکستان ءِ جیڈھ آناں پدا پدر کنت۔ نائب مزن وزیر ای سی او ساپیں توان ءِ مرکز ءِ چارٹر ءِ سر ءَ ھم دستخط کنت ءُ ای سی او ملک آنی وزیر آنی گوما گند ءُ نند کنت۔
