اسلام آباد۔27نومبر (اے پی پی): بیلاروس ءِ صدر الیگزینڈر لوکاشینکو ءِ اسلام آباد ءِ تر ءُ تاب ءِ ساھت ءَ پاکستان ءُ بیلاروس ءِ نیام ءَ 15 ھاسیں منوگری ءُ تپاک نامہ ءِ سر ءَ دستخط کنگ بوتگ ایشی ءِ تہ ءَ 2025 ءَ بگر داں 2027 ءِ وھد ءِ واستہ جامع کمک ءِ روڈ میپ ھوار اِنت۔ چار شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ روڈ میپر پاکستان ءُ روس ءِ نیام ءَ دو نیمگی اقتصادی کمک ءَ را گیش کنگ ءِ سر ءَ دلگوشی انت۔ بابین ءِ رد ءَ بیلاروس ءِ صدر ءُ پاکستان ءِ مزن وزیر ءَ دو نیمگی سیادی آنی سرجمیں رِد ءُ بند ءِ سر ءَ سرجمیں چار ءُ تپاسی کت ایشی ءِ تہ ءَ تجارتی، اقتصادی، دود ءُ ربیدگی، چاگردی ءُ ایندگر شوبگ ھوار اَنت ءُ دوئیں ملک آنی نیام ءَ دوستی ءِ سیادی ءَ را گیش گہتر کنگ ءِ واستہ وت مہ وتی جزم ءِ درشان کت۔ بیان ءِ رد ءَ بیلاروس ءِ صدر الیگزینڈر لوکاشینکو ءَ پاکستان ءِ یک روچی تر ءُ تاب سرجم کتگ۔ مزن وزیر محمد شہباز شریف ءُ نائب مزن وزیر ءُ درئی کارانی وزیر سر محمد اسحاق ڈار ءَ بالی پٹ ءَ آئی ءَ چہ الوداع کت۔
