اسلام آباد۔ 27 نومبر (اے پی پی) بنجائی وزیر داخلہ محسن نقوی و ڈی جی رینجرز پنجاب میجر جنرل محمد عاطف بن اکرم پمز انا دورہ ءِ کرے ہراڑے او شرپسند آتا جلہو اٹی ٹھپی مروک آ رینجرز، ایف سی و پولیس آفیسر و ورناتا جان پڑسی ءِ کرے۔ وزیرداخلہ و ڈی جی رینجرز پنجاب اسٹ اسٹ آ ٹھپی آ آفیسر وورناتیا ہنا و اوفتا طب انا اَرفے۔ وزیرداخلہ و ڈی جی رینجرز پنجاب ٹھپی آفیسر وورناتا بڑزکو حوصلہ نا ستاءِ کرے۔ وزیرداخلہ محسن نقوی ٹھپی ورناتا گچین درمان کن ڈاکٹر آتے پارت کرے۔ وزیرداخلہ محسن نقوی پارےکہ نم قوم انا ہیروک اورے۔ نم شرپسند آتا عزم ءِ بے سہب کریرے۔ نن نما بہادری آ گمر کینہ، شرانگیزی آن پد ہم نم تحمل و سگ انا درشانی ءِ کریرے۔
