اسلام آباد۔ 27 نومبر (اے پی پی) بنجائی وزیر داخلہ محسن نقوی چارشنبے نادے آ ڈی چوک آن خیبرپلازہ اسکان دورہ کرے ہراڑے او ڈیوٹی آ ساڑی کانود نافذ کروک آ ادارہ غاتا ورناتتون اوڑدہی کرے و اوفتا جوانمردی نا ستاءِ کرے۔ وزیرداخلہ محسن نقوی شرپسند آتیان کلیئر کرفوک آ علاقہ غاتا جاچ ءِہلک۔ اوسی ڈی اے ءِ سڑک آتا دمدستی سفائی ناپرمان کرے۔ وزیرداخلہ محسن نقوی شرپسند آتا جلہوآتیان ماڑی و ایلو تنصیب آتے ملوک آ نسخان تا ہم جاچ ءِ ہلک۔ وزیرداخلہ محسن نقوی نا سڑک آتیان اڑاند آتے مر کننگ نا پارت کرے۔ اونا پاننگ ئس کہ اللہ تعالیٰ نا شکر ءِ ادا کینہ کہ شرانگیزی نا سازش بھاز بے وڑ بےسہب مس۔ رینجرز نا آفیسر و ورناک بہادری اٹ مچی کروک آتے پسپاکریر۔ پاک فوج، ایف سی، اسلام آباد، پنجاب و سندھ پولیس ءِ جیرت مندانہ کڑد آ مبارکبادی ایتیوہ۔ پرامن پاکستان و پاکستانی تا سرسہبی مسنے۔
