راولپنڈی ۔26نومبر (اے پی پی):پاکستانی فوج ءِ پبلک ریلیشنز ڈیپارٹمنٹ ءَ گشتگ کہ اوگانستان ءِ ادارُکی حکومت ءِ ذمہ واری انت کہ آ وتی سرزمین ءَ پاکستان ءِ ھلاپ ءَ ناشرکاری ءِ ھاتر ءَ کارمرد کنگ ءَ چہ بہ رکین ایت۔ سئے شمبے ءِ روچ ءَ وتی بیان ءِ تہ ءَ آئی ایس پی آر ءَ گوشت کہ پاکستان ءَ وتی نیمگ ءَ سیم سر ءِ بندوبست آناں کارآمد جوڑ کنگ ءِ واستہ ادارُکی اوگان حکومت ءَ را مدام لوٹ کنگ ءَ اِنت۔ آئی ایس پی آر ءَ گوشت کہ پاکستانی سیکورٹی فورسز وتی ملک ءِ سیمسر آنی رکھینگ ءُ ناشرکاری ءِ ھلاسی ءِ واستہ جزمیگ اَنت ءُ اے درگت ءَ مھکمیں گامگیج برجاہ دارگ ءَ اَنت۔
