راولپنڈی۔26نومبر (اے پی پی): اسلام آباد ءَ زھرشانی ءِ وھد ءَ شھید بوتگیں 3 رینجرز ءِ کارندہ آنی جنازہ ءِ نماز چکلالہ گیریژن راولپنڈی ءَ وانینگ بوتگ۔ ۔آئی ایس پی آر ءِ رد ءَ نائیک محمد رمضان شہید (عمر 47 سال، نندوک ضلع کرک)، سپاہی گلفام خان شہید (عمر 29 سال، نندوک ضلع راولپنڈی) ءُ سپاہی شاہ نواز شہید (عمر 33 سال، نندوک ضلع سبی) ءِ نماز جنازہ ءَ مزن وزیر محمد شہباز شریف، نائب مزن وزیر اسحاق ڈار،وزیر تہی کار محسن نقوی، بنجاھی وزیر اھوالکاری و شنگ کاری عطاء اللہ تارڑ، آرمی چیف سید عاصم منیر ءَ ھوار کلانہ ایں اردی ءُ سول کارندہ آں بھر زوری کت۔
