اسلام آباد۔26نومبر (اے پی پی): بنجاھی وزیر اھوالکاری ، شنگ کاری ، راجی ورثہ ءُ دود ءُ ربیدگ عطا اللہ تارڑ ءَ گشتگ کہ انارکیسٹانی مول ءُ مراد لاشانی ایر کنگ ءَ سیاسی کنگ انت، ریاست تحمل ءِ درشان کنگ ءَ انت، مئے صبر ءُ اوپار چکاس گرگ مہ بیت، آ بیلاروس ءِ صدر ءِ تر ءُ تاب ءَ ڈگار ءَ جنگ لوٹ اَنت، بشرہ بی بی لاشانی ایر کنگ ءِ منصوبہ ءَ گوں اتکگ، ما پولیس ءُ رینجرز ءِ شہیدانی ھون ءَ کئے ءِ دست ءَ بہ گندیں؟ ریاست آشوب ءُ انارکیسٹاں ھچ وڑیں مول ءُ مراد ءِ سرجم کنگ ءِ موہ نہ دنت۔ سئے شمبے ءِ روچ ءَ ادا رسانکدر ءَ گوں تران کنان ءَ بنجاھی وزیر انفارمیشن ءَ گوشت کہ بشرہ بی بی لاش آنی ایر کنگ ءِ منصوبگ ءِ گوما اتکگ، آ وت انگت ءَ جاھے ءَ وتی دیم ءَ شُتگ ءُ کرائے ءِ مزدور ءُ زھگ آورتگ ءُ دیم ءَ ایر کنگ بوتگ اَنت ، آ تیل ءِ کشگ لوٹ اَنت۔ گریب ءِ چُکاں کہ سکیں بزدلیں کارے ۔ بنجاھی وزیر ءَ گوشت کہ بیلاروس ءِ صدر پاکستان ءِ تر ءُ تاب ءَ انت، دوئیں ملک آنی نیام ءَ معاہدہ کنگ بوھگ ءَ انت، کاروباری کانفرنس جاری انت، وھدیکہ دومی نیمگ ءَ تحریک عنترہ آئی ءِ تر ءُ تاب ءَ سبوتاژ کنگ ءِ کوشست ءَ انت۔ تحریک عنترہ 9 مئی ءِ منزلاں پچ گرگ لوٹیت، آ ملک ءَ ہون ریچی لوٹ انت ءُ پدا آ لاشانی سرا سیاست کن انت، آ وتی مکسد ءِ سرجم بوہگ ءَ نئیل انت۔ فدرال وزیر ءَ گشتگ کہ رینجرز شہید بوتگ، پولیس افسر مباشر شہید بوتگ، ما آہانی ہوناں کئے ءِ دست ءَ بہ شوہازیں؟ آئی ءَ گوشت کہ ہر وھد ءَ دوستیں ملکے ءِ تر ءُ تپاس کنگ بیت دھرنا پرچا یات بنت؟ پرچا یکیں جاہ ءَ پہ نندگ ءَ گچین کن اَنت؟ پرچا کہ آ ملک ءِ دژمن اَنت ءُ ملک ءِ تہا انارکی شنگ کنگ لوٹ اَنت کہ ایشی ءِ اجازت نہ بیت۔ آئی ءَ گوشت کہ ما پاکستان ءِ واستہ وتی سرانی قربان کنگ ءَ ساڑی آں، ما کدی نہ گوشتگ کہ اگاں پاسستان فناں ءُ فناں نہ انت گڈا مئے لوٹ انت کہ سرجمیں ملک ءَ آشوب شنگ ءُ تالان بہ بیت۔ وتی زہرشانی ءَ چہ پنجاب، سندھ ءُ بلوچستان ءَ کس دراتک نہ کنت دزگیریں کارکناں گشتگ کہ مارا گوں زراں آرگ بوتگ تحریک انصاف ءِ سروکی وتی چکاں دیم ءَ بیاریت ءُ دیم ءِ لیکہ ءَ بہ اوشت ایت ۔ چوک؟ بنجاھی وزیر ءَ گوشت کہ تحریک عنترہ ءِ سرجمیں سروکی ءِ یکیں مول ءُ مراد اِنت کہ آ ادا لاش آناں یک رنگے ءَ ایر بہ کن اَنت ءُ لاش آناں سیاسی بہ کن اَنت کہ آ کدی سرجم نہ بنت۔ آئی ءَ گوشت کہ پاکستان ءِ نپ مارا گران انت، مرچی معیشت دیمروئی کنگ ءَ انت، اسٹاک مارکیٹ دیم ءَ روگ ءَ انت۔ پی ٹی آئی ایوکیں سیاسی پارٹی اِنت کہ آ ملک ءِ دیمروئی ءَ را بند کنگ لوٹیت، آہانی زھرشانی مدام اوگانانی سروکی ءَ بنت۔ بنجاھی وزیر ءِ اھوالکاری ءَ گوشت کہ آ منافقت، انارکی، زوراکی ءِ سیاست کنگ ءَ سیاسی پوائنٹ جوڑ کنگ لوٹ اَنت، مئے ورنا آنی مورال بُرز اِنت، آ امن ءِ برجائی ءَ زان اَنت، پمیشکا مئے صبر ءِ چکاس ءَ مہ کن اِت۔ تحریک انصاف ءِ سروکی کرائے ءِ مردمانی پُشت ءَ وت ءَ لیکگ ءَ انت اگاں ترا ہمت است گڈا دیم ءَ بیا۔ آئی ءَ گوشت کہ ملک ءَ را ریل ءَ چہ کشگ ءُ آشوب ءِ شنگ کنگ ءِ نا شریں کوشست کدی سوبمند نہ بیت، انگت ءَ اوشتگ ءُ شنگ ءُ تالان کنگ ءِ وھد است، ریاست ءِ صبر ءِ چکاس ءَ مہ کن اِت۔
