اسلام آباد۔26نومبر (اے پی پی): مزن وزیر محمد شہباز شریف ءَ گوستگیں روچ ءَ زھرشانی ءِ وھد ءَ شھید بوتگیں نائیک محمد رمضان، سپاہی گلفام خان ءُ سپاہی شاہ نواز خان ءِ جنازہ ءِ نماز ءَ شریک بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ ھمراھی ءَ نائب مزن وزیر ءُ درئی کارانی وزیر محمد اسحاق ڈار، اھوالکاری ءُ شنگ کاری ءِ وزیر عطا اللہ تارڑ ، آرمی چیف جنرل سید عاصم منیر ءِ ھمراھی ءَ جنازہ ءِ وھد ءَ ھوار بوتگ۔ چکلالہ ، راولپنڈی ءِ مزنیں کساسے ءَ سول ءُ فوجی افسراں بہر زرتگ۔ مزن وزیر ءَ گشتگ سیاسی مفاد ءِ ھاتر ءَ پاکستان ہچ وڑیں آشوب ءُ ہون ریچی ءِ وس ءَ نہ کنت۔ مزن وزیر ءَ گوشت کہ زھرشانی ءِ وھد ءَ منی ھوار سرجمیں راج ڈیوٹی ءَ نشتگیں سپاھیگ آناں توسیپ ءُ ستا پیش کنت۔
