وزیر خزانہ سینیٹر محمد اورنگزیب ءَ گوشت کہ حکومت مالیاتی ڈسپلین ءَ را ، مھکمیں  دیمروئی ءُ  وسیلگ آنی جوانیں کارمردی ءَ را دل یکیمی کنگ ءِ واستہ جزمیگ اِنت

اسلام آباد۔26نومبر (اے پی پی): بنجاھی  وزیر خزانہ ءُ  آمدنی سینیٹر محمد اورنگزیب ءَ ورلڈ بینک ءِ نیمگ ءَ چہ پاکستان ءِ برجاھیں کمک ءِ توسیپ کنان ءَ گوشت کہ حکومت مالیاتی نظم و ضبط، پائیدار دیمروئی ءُ  وسیلگ آناں جوانیں رنگ ءَ کارمرد کنگ ءِ واستہ جزم انت۔ آئی ءَ  اے گپ سئے شمبے ءِ  روچ ءَ  ادا پاکستان ءَ  ورلڈ بینک ءِ  کنٹری ڈائریکٹر ناجی بن حسین ءِ  سروکی ءَ  ورلڈ بینک ءِ  ٹیم ءِ  گوما گند ءُ  نند ءَ  گوشت اَنت۔ وزیر خزانہ ءَ پاکستان ءَ اقتصادی اصلاحات ءُ  دیمروئی ءِ ایجنڈا ءِ واستہ ورلڈ بینک ءِ کمک ءِ ارزشت ءِ سر ءَ زور پر دات۔ آئی ءَ جتا جتائیں پڑ آنی تہ ءَ ورلڈ بینک ءِ مالی ءُ  تکنیکی کمک ءِ ستا کنان ءَ حکومت ءِ مالیاتی نظم و ضبط، پائیدار دیمروئی ءُ  وسیلگ آناں جوانیں رنگ ءَ کارمرد کنگ ءِ ھاترا یک مھکمیں، فعال ءُ  شفافیں ٹیکس پالیشی ءِ فریم ورک ءِ جوڑ کنگ ءِ سر ءَ دلگوشی دیگ ءِ گوما یک رندے پدا گوشت۔ ٹیکس ءِ نظام ، ورلڈ بینک ءِ ٹیم ءَ بجٹ ءِ عمل ءَ را گہتر کنگ ءِ ھاتر ءَ تکنیکی کمک ءِ پیشکش کتگ ، سرکاری مالیاتی انتظام ءِ تہا اے گپ ءِ سرا زور داتگ۔ شفافیت ءُ احتساب ءَ را دیم ءَ برگ بوت کنت۔ گپ ءُ تران ءِ تہ ءَ مالیاتی پائیداری ءَ را دل یکیمی کنگ ءُ رسک آناں کم کنگ ءِ واستہ موثر قرضہ ءِ انتظامی ءُ اثاثہ جات ءِ انتظامی نظام ءِ جوڑ کنگ ءِ سر ءَ ھم گپ ءُ تران کنگ بوت۔ دیوان ءَ زرعی انکم ٹیکس ءِ نظام، جی ایس ٹی ءِ ھوالگ ءَ صوبگ آنی گوما ھمگرنچی ءُ  نیشنل ٹیکس کونسل ءِ فعالیں کرد ءِ سر ءَ ھم گپ ءُ  تران کنگ بوت ءُ  دیوان ءَ گپ ءُ  تران بوتگیں ھاسیں شوبگ آنی تہ ءَ ورلڈ بینک ءِ برجاھیں کمک ءِ دل یکیمی دات۔ آئی ءَ اقتصادی چیلنج آناں گر ءُ  چیل بوھگ ءُ  پاکستان ءِ دیمروئی ءِ مول ءُ  مراد آناں سرجم کنگ ءِ ھاترا ورلڈ بینک ءِ جزم ءِ یک رند ءِ پدا درشان کت۔