اسلام آباد۔ 26 نومبر (اے پی پی) سینیٹ اٹی پاکستان مسلم لیگ (ن) نا پارلیمانی پارٹی لیڈر و خارجہ امور قائمہ کمیٹی نا سروک سینیٹر عرفان صدیقی پارینے کہ پی ٹی آئی نا بارواٹی پیدوار و دوٹوک فیصلہ نا وخت بسنے، پین تاخیر بھاز کبین تمک۔ سے شنبے نادے آراجی رابطہ نا ویب سائٹ ’ایکس‘ آ تینا بیان اٹی سینیٹر عرفان صدیقی پارے کہ اینو کیر یا پگہ، فیصلہ کروئی تمک کہ انت بدامنی، لاقانودیت ، فتنہ و پھسات ، کشت وخون گری و پاکستان مخالف ایجنڈا غا عمل کروک گروہ’’سیاسی جماعت‘‘ پاننگ نا حق تخک؟۔ اوپارے کہ پاکستان نا 77 سال انا تاریخ اٹی ہراسیاسی جماعت ءِ ہرا صوبائی واک انا کمک اٹ بنجاغا لشکر کشی کرور، سم کاری کرور، آنسو گیس خسور، نیمہ درزن کارندہ غاتا خون و سد آتے ٹھپی کرور؟، پی ٹی آئی 9 مئی 2023 آن پد ہرگز سیاسی جماعت اس سلتویسس، ولے اودے مرغن آ ڈھیل اس تننگا۔
