رینجرز کارندہ غاتیا جلہو نا مذمت، سیکورٹی فورس آتے شست کننگ پاش آن پاش دہشت گردی اسے، بلاول بھٹو زرداری

کراچی۔ 26 نومبر (اے پی پی) پاکستان پیپلزپارٹی نا چیئرمین بلاول بھٹو زرداری اسلام آباد اٹی شاہراہ سرینگر آ رینجرکارندہ غاتیا جلہو نا سخت مذمت ءِ کرینے۔ میڈیا سیل بلاول ہاؤس آن جاری بیان نا رداٹ پی پی پی چیئرمین پارے کہ امن وایمنی کن اسلام آباد اٹی ساڑی پولیس و سیکورٹی فورس آتے شست کننگ پاش آن پاش دہشت گردی اسے۔ اوخواست کرے کہ اسلام آباد اٹی رینجرز و پولیس آ جلہو آتیٹی اوار دوبہ دارآتے عدالت نا مون آ اتنگے۔ چیئرمین بلاول بھٹو زرداری اسلام آباد اٹی شہیدی ناجام ءِ کنوک آ رینجرز و پولیس کارندہ غاتے خراج عقیدت پیش کرساپارے کہ او قوم انا بہادر آمار ئس۔ اوشہید کارندہ غاتا خاہوت آتون ہم ہڑزخواہی ویکجہتی نا درشانی ءِ کرے و اوفتے کن صبر وجمیل نا دعاکرے۔ اوٹھپی کارندہ غاتیکن ہم زوت دراخ جوڑی نا دعاکرینے۔ چیئرمین بلاول بھٹو زرداری نا پاننگ ئس کہ پرامن برانز نا حق وشرپسندی و دہشت گردی نا بابت پیپلزپارٹی نا موقف پیدوار ءِ۔