اسلام آباد۔ 26 نومبر (اے پی پی) بنجائی وزیر نجکاری، زرکاری بورڈ ومواصلات عبدالعلیم خان سری نگر ہائی وے آ رینجرز کارندہ غاتے گاڈی اٹ لتاڑنگ نا واقعہ غا ڈکھیائی و است ہسونی نا درشانی ءِ کرسا پولیس و کانود نافذ کروک آ ادارہ غاتا کارندہ غاتیا جلہو و اوفتے ٹھپی کننگ نا ترندی اٹ مذمت ءِ کرینے۔ سے شنبے نادے آ تینا بیان اٹی صدر آئی پی پی پارے کہ رینجرز کارندہ و کانسٹیبل مبشر نا شہیدی، سد آن زیات ٹھپی تا بنگٹ بھاز است ہسون مس۔ بنجائی وزیر زہمی خاہوت آتون ڈکھیائی و ہڑزخواہی نا درشانی ءِ ہم کرے۔ عبدالعلیم خان دعاکرے کہ اللہ تعالیٰ شہید آتا درجہ غاتے بڑز کے و ٹھپی تے زوت دراخ جوڑ کے۔
