اسلام آباد۔ 26 نومبر (اے پی پی) اسپیکر قومی اسمبلی سردار ایاز صادق نا تدوک آ نن سری نگرہائی وے آ رینجرز و پولیس کارندہ غاتون پیش بروک آ ناخوشگوار واقعہ نا مذمت ءِ کرسا پارینے کہ شہید ورناک تینا فرض ءِ سرترسا شہیدی نا جام ءِ نوش کریر۔ سے شنبے نادے آ تینا کلہواٹی اسپیکر قومی اسمبلی سردار ایاز صادق واقعہ ٹی رینجرز و پولیس کارندہ غاتا جونی نسخان تیا ڈکھیائی، خاہوت آتون ہڑزخواہی و ہمدردی نا درشانی ءِ کرے۔ اوپارے کہ شہید آتا خاہوت آتا غم اٹی بریبر نا شریک اُٹ۔ اوشہید رینجرز و پولیس کارندہ غاتا قربانی تے مدام یات تخنگک۔ اسپیکر قومی اسمبلی ٹھپی پولیس و رینجرز کارندہ غاتے گچین طبی آسراتی فراوان کننگ ناپارت کرے۔ اوشہید رینجرز و پولیس کارندہ غاتا درجہ غاتا بڑزی و خاہوت آتیکن صبر وجمیل نا دعاکرے۔
