اسلام آباد۔ 26 نومبر (اے پی پی) بنجائی وزیر داخلہ محسن نقوی سرینگر ہائی وے آ رینجرز و پولیس نا ورناتیا شرپسند آتا جلہو نا ترندی اٹ مذمت ءِ کرسا پارینے کہ جلہو اٹی اوار غٹ شرپسند آتے کانود نا گرفت اٹی اتنگک، جلہو گیر آتے کانود نا مون آ سلفنہ۔ سےشنبے نادے آ تینا بیان اٹی وزیرداخلہ محسن نقوی شہید مروک آ رینجرز نا 4 ورناتے خراج عقیدت پیش کرے۔ اوشہید آتا خاہوت آتون دہی ہمدردی و ہڑزخواہی نا درشانی ءِ کرے۔ وزیرداخلہ رینجرز و پولیس نا ٹھپی ورناتے درمان نا گچین آسراتی فراوان کننگ نا پارت تس۔ اوپارے کہ رینجرآتا شہید ورناتے قوم سلام پیش کیک۔ رینجرز نا شہید ورناک فرض ءِ پورو کننگ اٹ جون تے ندرکریر۔ رینجرز نا شہید ورناتا قربانی تے زیان مننگ کن اِلیپنہ۔ وزیرداخلہ محسن نقوی پارے کہ شہید آتا خاہوت آتون سلوک اُن و مدام سلنہ۔
