اسلام آباد۔28اکتوبر (اے پی پی):سرمایہ کاری بورڈ ءُ نجکاری ءُ مواصلات ءِ بنجاھی وزیر عبدالعلیم خان ءَ سعودی عرب ءِ حکام ءِ گوما سرمایہ کاری ءِ بابت ءَ پد ءُ رند ءِ دیوان ءَ بہر زرتگ کہ ایشی ءِ تہا سعودی عرب ءِ سرمایہ کاری ءِ نائب وزیر ابراہیم المبارک ءَ پاکستان ءَ سرمایہ کاری ءِ بابت ءَ سرجمیں رنگ ءَ گپ ءُ تران کتگ۔ ویڈیو لنک ءِ سر ءَ گپ ءُ تران کنگ بوت، ویڈیو لنک ءِ دیوان ءَ سعودی ڈل ءِ پاکستان ءِ گوستگیں تر ءُ تاب ءِ رژنائی ءَ سرمایہ کاری ءِ جیڈھ آنی دیمروئی ءِ سر ءَ چار ءُ تپاسی کنگ بوت۔ دو شمبے ءِ روچ ءَ ادا جاڑی بوتگیں پریس ریلیز ءِ رد ءَ اے موہ ءِ سر ءَ سرمایہ کاری ءِ بنجاھی وزیر عبدالعلیم خان ءَ سعودی سرمایہ کاری ءِ وزیر خالد بن عبدالعزیر الفالح ءِ نیمگ ءَ چہ جوانیں پسو ءِ وش اتک کتگ ءُ جتا جتائیں پڑ آنی تہ ءَ پاک سعودی ءِ یکجائی منصوبگ ءُ تپاک نامہ آنی سر ءَ ھیال ریچی کت۔ سعودی اسٹنٹ وزیر برائے سرمایہ کاری ءِ نیمگ ءَ چہ بنجاھی وزیر سرمایہکاری بورڈ عبدالعلیم خان ءَ را 25 ءُ 26 نومبر ءَ سعودی عرب ءَ برجم بوھوکیں ایکسپو ءَ بھر زوری ءِ دعوت دیگ بوت۔ دیوان ءَ گوں تران کنان ءَ بنجاھی وزیر عبدالعلیم خان ءَ گوشت کہ سعودی عرب ءَ گوں پاکستان ءَ سرمایہ کاری ءِ واستہ ھمک رنگیں کمک آناں دل یکیمی جوڑ کناں، سعودی وزیر خالد بن عبدالعزیز الفالح ءِ تر ءُ تاب آنی ھوالگ ءَ سرمایہ کاری ءَ را گڈی آپ سر پجاریناں ءُ جوانیں گامگیج آں چہ سرمایہ کاری ایجنڈا آناں سرجم کنگ بیت۔ اے موہ ءَ سعودی کارندہ آنی نیمگ ءَ چہ واھشت ءِ درشان کنگ بوت ءُ سرمایہ کاری ءِ واستہ فالو اپ جاڑی دارگ ءِ گوما آسر سہرا کنگ ءِ ھوالگ ءَ تپاک ھم کنگ بوت۔ سعودی عرب ءَ پاکستان ءِ سفیر احمد فاروق ءَ ھم وڈیو لنک دیوان ءَ بھر زوری کت ءُ شریکیں مردم آناں بریفنگ دات۔ بنجاھی سیکرٹری کارمرس ءُ سیکرٹری پرائیوٹائزیشن کمیشن ھم ورچوئل دیودان ءَ ساڑی اتنت۔
