بیجنگ۔28اکتوبر (اے پی پی): چین ءَ پاکستان ءِ سفیر خلیل ھاشمی ءَ یانگلنگ ءِ کشت ءُ کشاری ءِ ایگریکلچر ڈیمانسٹریشن زون ءِ سروک ءِ سروکی ءَ گوں گند ءُ نند کتگ ءُ گلوبل انٹروڈکشن اینڈ مارکیٹنگ کانفرنس ءَ بہر زرتگ۔ چین ءِ صوبہ شانسی ءِ یانگلنگ ءِ تر ءُ تاب ءِ دومی روچ ءَ آئی ءَ چین ءَ کشت ءُ کشاری ءِ شوبگ ءَ کار کنوکیں پاکستانی ءُ چینی کاروباری ادارگ آنی کارندہ آں گوں گند ءُ نند کت۔ پاکستانی سفیر ءَ گلوبل انٹروڈکشن اینڈ مارکیٹنگ کانفرنس ءَ گوں گشتانک دیان ءَ پاکستان ءِ حکومت ءِ نیمگ ءَ کشت ءُ کشاری ءِ جدید کنگ ءُ ٹیکنالوجی ءِ دیمروئی ءَ را اولیت دیگ ءِ سر ءَ زور پر دات۔ آئی ءَ گوشت کہ کلائمیٹ سمارٹ ایگریکلچر ءَ را وتیگ کنگ، آپ ءِ کارمردی ءَ را گہتر کنگ ءُ سپلائی چین ءِ کارکردگی ءَ را گیش کنگ ءِ ضلورت انت۔ آئی ءَ پاکستان ءِ مزنیں کشت ءُ کشاری وسیلگ ءُ چین ءِ ٹیکنالوجی ءِ توانائی آنی نیام ءَ یکوئی ءِ سر ءَ زور پر دات۔ آئی ءَ دوئیں ملک آنی کاروباری مردم آنی سر ءَ زور پر دات کہ آ کشت ءُ کشاری ءِ شوبگ ءَ ممکنہ یکجائی منصوبگ آنی واستہ بے دروریں موہ آناں پائدگ چست بہ کن اَنت۔ آئی ءَ چین پاکستان زراعت میچ میکنگ میٹنگ ءَ ھم بھر زوری کتگ ءُ چینی ءُ پاکستانی کاروباری مردم آں گوں گپ ءُ تران کتگ ءُ دوئیں ملک آنی نیام ءَ کاروباری شریکداری ءِ دلبڈی داتگ۔ اے موہ ءِ تہ ءَ یانگلنگ زرعی مظاہرہ زون، شانشی ءِ درئی کارانی کارگس، سیادی داروکیں محکمہ ءُ چینی زرعی ادارگ ءُ پاکستانی بازیں ادارگ آنی سروک، کاروباری سروک ءُ زانتکار آنی نیمگ ءَ بھر زوری بوتگ۔ یانگلنگ ءَ 31می چین یانگلنگ زرعی ہائی ٹیک میلے ءَ پاکستانی سفیر ءِ بھر زوری ءُ ایشی ءَ گوں سیادی داروکیں کاروائی آنی تہ ءَ پاکستان ءِ زرعی ٹیکنالوجی ءِ تہ ءَ کمک ءَ را گیش کنگ ءِ عزم ءَ را پدر کنگ بیت ایشی ءَ چہ ادارگ آنی نیام ءَ بی ٹو بی گند ءُ نند آنی تہ ءَ تجارتی سیادی ءَ را گیش کنگ ءُ پائیدار زرعی دیمروئی ءِ واستہ نوکیں گیواری ءِ شوھازگ بیت۔ پاکستانی سفیر ءِ تر ءُ تاب ءَ چہ چین ءُ پاکستان ءِ نیام ءَ کشت ءُ کشاری شریکداری ءِ ارزشت ءِ ھم پدر کنگ بوتگ ءُ پائیدار کشت ءُ کشاری ءَ را دیم ءَ برگ ، ٹیکنالوجی ءِ نوکیں چیز آناں دیمروئی دیگ ءُ میاں اوستمانی کمک ءِ وسیلگ ءَ کشت ءُ کشاری معیشت ءِ کمک ءِ ھاترا یک جھان ءِ پلیٹ فارم ءَ چہ سیت چست کنگ ءَ چہ پاکستان ءِ جزم ءِ درشان اِنت۔
