اسلام آباد۔ 28 اکتوبر (اے پی پی) اسپیکر قومی اسمبلی سردار ایاز صادق خیبرپختونخوا ٹی دہشت گردی نا چندی کارروائی تیٹی شہید مروک آ سیکورٹی کارندہ ، شاری تا درجہ غاتا بڑزی کن ایوان اٹ تینٹ دعاکرفے۔ دوشنبے نادے آ قومی اسمبلی نا دیوان بناکننگ آن پد تلاوت کلام پاک ، نعت، حدیث و قومی ترانہ غان پد اسپیکر قومی اسمبلی پارے کہ ایوان اٹ دعا کرفنگ خواوہ ہرا دہشت گردی نا گواچی مسنو، اوفتے ٹی لکی مروت اٹی 10 ایف سی کارندہ غاتا شہیدی، مسیت اٹی اسہ کیڈٹ اسے نا شہیدی، وزیرستان اٹی خودکش جلہو 4 پولیس کارندہ و 2 سیکورٹی کارندہ و 2 شاری شہید مسر، اوکان بیدس مچ آملک اٹی مروک آ چنکا بھلا شکست آتیٹی چندی بندغ آک زوال کریر۔ اوفتا بخشش و درجہ غاتا بڑزی کن اسپیکر قومی اسمبلی تینٹ بخشش نا دعا کرفے و پارے کہ اللہ تعالیٰ غٹ انا بخشش ءِ کے و پاکستان ءِ دہشت گردی آن رکھے۔
