اسلام آباد27 اکتوبر (اے پی پی):صدر آصف علی زرداری ءَ کشمیری راج ءِ انصاف ءِ جہد ءِ واستہ پاکستان ءِ بے مٹیں اخلاقی، سفارتی ءُ سیاسی کمک ءِ یک رندے پدا زور پر دات کہ آ بھارت ءَ را جموں ءُ کشمیر ءِ قبضہ ءَ چہ بہ رکین انت آئی ءَ را انسانی ءِ بند کنگ ءِ واستہ دباؤ داتگ۔ حقوق ءِ نقض ءُ اقوام متحدہ ءِ شورا ءِ امنیت ءِ قراردادانی سرا عمل کنگ ءَ انت۔ پاکستان داں وتی کشمیری برات ءُ گہار آں گوں اوشتات کنت داں آ وتی وت واجئی ءِ حق ءَ بہ رس اَنت۔ آئی ئَ اے گپ کشمیر بلیک ڈے ءِ موہ ئَ وتی کلوہ ءِ تہ ئَ گوشت کہ 27اکتوبر ئَ برجم دارگ بوھگ ئَ اِنت۔ صدر آصف علی زرداری ءَ گوشت کہ 27اکتوبر 1947ءَ جنوبی ایشیا ءِ راجدپتر ءِ تہ ءَ یک سیاھیں باندات اِنت۔ مرچی ہندوستان ءَ جموں ءُ کشمیر ءِ سرا قبضہ کنگ ءِ ھاترا لشکر ءِ بندات کتگ۔ آئی ءَ گوشت کہ گوستگیں بازیں دہائی آنی تہ ءَ جموں ءُ کشمیر ءِ الس بھارتی ناجائزیں حکومت ءِ چیر دستی ءَ بھارتی اُرد آنی نیمگ ءَ چہ زھرناکیں زلم ءُ زوراکی ءَ را برداشت کنگ ءَ اَنت۔ سالانی سالاں بھارت ءَ مقبوضہ جموں ءُ کشمیر ءَ دنیا ءِ فوجی ترین دمگاں چہ یکے جوڑ کتگ۔ انوگ ءَ تاں ھزاراں بے گناہیں کشمیری شھید کنگ بوتگ اَنت ءُ کشمیریانی اصل سروکی دزگیر اِنت ءُ دمگی رسانکدر ءَ مزنیں کچے ءَ سنسر کنگ بیت۔ صدر ءِ مملکت ءَ گوشت کہ اقوام متحدہ ءِ سلامتی کونسل ءَ منصفانہ ءُ غیر جانبداریں ریفرنڈم ءِ وسیلگ ءَ کشمیری الس ءِ وت واجئی ءِ حق ءَ را باز رند ءَ پدر کتگ۔ اے گپ ءِ باوجود ہندوستان اے قراردادانی خلاف ورزی ءُ کشمیری آں چہ وتی بنیاتی حقاں زبہر کنگ ءَ اِنت۔ آئی ءَ گوشت کہ اگست 2019 ءَ پد بھارت ءَ وتی ھاسیں بستار ءَ را ھلاس کنگ ءَ مقبوضہ جموں ءُ کشمیر ءِ ڈیموگرافک ءُ سیاسی ندارگ ءَ را بدل کنان ءَ وتی قبضہ ءَ را گیش مھکم کتگ۔ اے کار کشمیری آنی آجوئی ءِ تحریک ءَ را ھلاس کنگ ءُ ھندی قبضہ ءَ را مھکم کنگ ءِ واستہ گیشیں حکمت عملی ءِ بھر انت آئی ءَ گوشت کہ اے زوراکیں پندل آنی باوجود کشمیری الس آجوئی ءِ جہد ءَ مھکم انت۔ ما بھارت ءِ جاری ظلم ءُ زوراکی آنی سک باز مذمت کن ایں ءُ کشمیری راج ءِ انصاف ءِ جہد ءِ واستہ وتی بے دروریں اخلاقی، سفارتی ءُ سیاسی حمایت ءِ یک رندے پدا گوشت کہ میاں اوستمانی تک ءَ انوگیں دیمروئی یک ھاسیں یات ءِ کہ دیریں جیڑھ آنی تہ ءَ ھوار بوھگ لوٹ ایت۔ بے حل نہ مانیت۔ میاں اوستمانی کانود ءِ ھلاپ ورزی ءُ جنجالانی سرا چم شانک دیگ دائمی امن ءِ ضمانت نہ انت آئی ءَ گوشت کہ کشمیری آنی سئے نسل ءِ ودار ءَ انت کہ میاں اوستمانی براتی ھاسیں رنگ ءَ اقوام متحدہ آھاں وتی وت واجئی ءِ ھک ءَ بہ دنت۔ صدر ءِ مملکت ءَ گوشت کہ ما میاں اوستمانی براتی ءَ را دزبندی کن ایں کہ آ بھارت ءِ سر ءَ زور پر بہ دنت ءُ مقبوضہ جموں ءُ کشمیر ءَ انسانی ھک آنی ھلاپ ورزی ءَ را بند بہ کنت ءُ اقوام متحدہ ءِ سلامتی کونسل ءِ قرارداد آنی سر ءَ عمل بہ کنت۔ پاکستان وتی کشمیری برات ءُ گہار آنی واستہ وت واجئی ھک ءِ پجاری ءَ تاں ھمگام ءَ اوشتاتگ۔
