اسلام آباد۔27اکتوبر (اے پی پی):چیئرمین مزن وزیر ءِ ورنا پروگرام رانا مشہود خان ءَ گشتگ کہ میاں اوستمانی براتی ءَ کشمیری آنی حق آنی رکھینگ ءِ ھاتر ءَ جوانیں گامگیج چست نہ کتگ انت، بھارت ءِ برجاھیں ظلم ءُ زوراکی آناں سک باز مذمت کتگ۔ چیئرمین مزن وزیر ورنا پروگرام رانا مشہود احمد خان ءَ سیاہ کشمیر ءِ روچ ءِ موہ ءَ وتی ھاسیں کلوہ ءِ تہ ءَ گوشت کہ 27اکتوبر 1947ءَ بھارت ءَ کشمیری آنی سر ءَ ریاستی ناشرکاری بندات کتگ، بھارت 77سال ءَ چہ مقبوضہ کشمیر ءَ انسانی ھک آنی لگتمالی کنگ ءَ اِنت۔ آئی ءَ گوشت کہ میاں اوستمانی براتی ءَ کشمیری آنی ھک آنی رکھینگ ءِ واستہ جوانیں گامگیج چست کنگ ءَ سوبین نہ بوتگ۔ آئی ءَ گوشت کہ بازیں دہائیاں چہ ناجائزیں بھارتی مقبوضہ جموں ءُ کشمیر ءِ اُلس بھارتی اُرد آنی نیمگ ءَ چہ بے دروریں زلم ءُ زوراکی ءِ آماچ اِنت بھارت ءَ مقبوضہ جموں ءُ کشمیر ءَ را دگنیا ءِ فوجی تریں دمگ آنی تہ ءَ یکے جوڑ کتگ۔ کونسل ءِ قرارداد کشمیری آں چہ وتی بنیاتی حقاں زبہر کنگ ءَ انت۔ چیئرمین مزن وزیر ءِ ورنا پروگرام ءَ گوشت کہ پاکستان بھارت ءِ برجاھیں ظلم ءُ زوراکی آناں سک مذمت کنت، میاں اوستمانی کانود ءِ ھلاپ ورزی ءُ جنجال آناں یلہ کنگ دائمی امن ءِ ضمانت نہ اِنت، کشمیری آنی سئے نسل ءَ چہ میاں اوستمانی براتی ءَ وت واجئی ءِ ھک ءِ لوٹ کتگ ھاسیں رنگ ءَ اقوام متحدہ دلجمی ءِ ودار ءَ پاکستان کشمیری برات ءُ گہار آنی گوما اوشتات کنت داں آ وتی وت واجہی ءِ حق ءَ بہ رسگ ءَ تاں کمک ءَ برجا دار ائیت۔
