اسلام آباد۔27اکتوبر (اے پی پی): سینیٹ ءِ چیئرمین سید یوسف رضا گیلانی ءَ گوشت کہ مقبوضہ کشمیر ءِ الس ءِ وت واجئی ءِ ھک انت دیم ءَ ھم کشمیری الس ءَ را سیاسی، سفارتی ءُ اخلاقی کمک ءَ را برجاہ دار ایت۔ کشمیر ءُ فلسطین ءِ نیام ءَ جیڈھ ءِ گیواری ءَ میاں اوستمانی براتی ءَ را کرد پیلو کنگی اِنت۔ سینیٹ سیکرٹریٹ میڈیا ڈائریکٹوریٹ ءِ نیمگ ءَ یک شمبے ءِ روچ ءَ 27 اکتوبر 2024 ءَ سیاہ کشمیر ءِ روچ ءِ موہ ءَ شنگ بوتگیں ھاسیں پیغام ءِ تہ ءَ سینیٹ ءِ چیئرمین سید یوسف رضا گیلانی ءَ گوشت کہ 27 اکتوبر 1947 ءَ ناجائز ءُ انتہائی شرمندگی ءِ رد ءَ یک مقبوضہ کشمیر ءَ بھارتی اُرد ، 27اکتوبر راجدپتر ءِ تہ ءَ مدام یک سیاہیں روچے ءِ رنگ ءَ یات کنگ بیت۔ چیئرمین سینیٹ ءَ گوشت کہ مرچی مقبوضہ کشمیر ءَ کشمیری الس آنی سر ءَ بھارت ءِ زوراکی ءُ ظلم ءِ کسہ ءَ را پدر کنگ ءِ روچ انت۔ آئی ءَ گوشت کہ وت واجئی ءِ ھک مقبوضہ کشمیر ءِ الس آنی بنیاتی ھک انت، مقبوضہ جموں ءُ کشمیر ءِ الس آں وت واجئی ءِ ھک ءِ حاصل کنگ ءِ واستہ بے مٹیں قربانی داتگ انت۔ سید یوسف رضا گیلانی ءَ گیش گوشت کہ بھارت ءِ نیمگ ءَ چہ کشمیری راج ءِ وت واجہی ءِ ھک ءَ را زلم ءُ زوراکی ءِ وسیلگ ءَ سرکوب کنگ ءِ ھرچ کوشست بے سوب بوتگ۔ چیئرمین سینیٹ ءَ گوشت کہ پاکستانی راج کشمیری راج ءِ وت واجئی ءِ ھک ءِ حمایت ءَ کنت ءُ ایشانی گوما سرجمی ءَ یکجہتی ءِ درشان کنت سید یوسف رضا گیلانی ءَ گوشت کہ کشمیر ءِ جیڈھ اقوام متحدہ ءِ قرارداد آنی وسیلگ ءَ گیش ءُ گیوار کنگ بہ بیت ءُ پائیداریں راج ءِ جوڑ کنگ ءِ واستہ کشمیر ءِ جیڈھ ءَ را گیش ءُ گیوار کنگ بہ بیت۔ دمگ ءَ امن ءِ ھاتر ءَ کشمیری راج ءِ واھشت آنی رد ءَ یک گیواری یے ناگزیر اِنت، پاکستان کشمیری راج ءِ سیاسی، سفارتی ءُ اخلاقی رنگ ءَ میاں اوستمانی ءُ دمگی دیوان آنی تہ ءَ کمک کنگ ءَ برجاہ دار ایت۔ چیئرمین سینیٹ سید یوسف رضا گیلانی ءَ گوشت کہ کشمیر ءُ فلسطین ءِ جیڈھ ءِ گیواری ءَ میاں اوستمانی براتی ءَ کرد پیلو کنگ لوٹ ایت۔ وتی کلوہ ءِ گڈسرا آئی ءَ کشمیر ءِ آجوئی ءِ چست ءُ ایر ءِ بامرد آناں توسیپ ءُ ستا ھم پیش کت۔
