کوئٹہ۔ 27 اکتوبر (اے پی پی):27اکتوبر یوم سیاہ کشمیر ءِ درگت ءَ کوئٹہ ءَ یوتھ فورم برائے کشمیر ءِ نیمگ ءَ چہ برجم داشتگیں سائیکل ریلی ءُ ریس ءِ بندوبست کنگ بوت، سائیکل ریلی ءَ را سرینا چوک ءَ چہ ایرپورٹ روڈ ءَ درکپگ بوت۔ اے ریلی ءَ زھگاں ھوار سد ءَ چہ گیش سائیکل سواراں بھر زرتگ۔ یوتھ فورم برائے کشمیر ءِ نیمگ ءَ برجم داشتگیں جلسہ ءَ گوں گشتانک دیان ءَ گشتانک دیوکاں گوشت کہ مرچی ءِ جلسہ ءِ مول ءُ مراد سیاہ کشمیر ءِ روچ ءِ ھوالگ ءَ دگنیا ءَ را کلوہ دیگ انت کہ 27اکتوبر 1947 ءَ بھارت ءَ ناجائزیں رنگ ءَ کشمیر ءِ سر ءَ وتی فوج ایر کتگ تانکہ حاکمیت جوڑ کنگ بہ بیت۔ بے سوبیں جہد کتگ، جموں کشمیر ءِ مہلوک وتی آجوئی ءِ ھاترا مدام قربانی دیگ ءَ انت ءُ پاکستان ءِ مہلوک وتی کشمیری براتاں ہچبر یلہ نہ دنت۔
