اسلام آباد۔27اکتوبر (اے پی پی): بنجاھی وزیر ءِ کانود ءُ انصاف ءِ سینیٹر اعظم نظیر تارڑ ءَ گشتگ کہ بلیک ڈے مارا 1947ءِ غمناکیں واقعہانی یات ءَ دنت کہ بھارتی فورسز ءَ سری نگر ءِ سرا غیر قانونی اُرش کتگ ات ءُ اے یک دراجیں راجدپتر ءِ بندات انت۔ سرکوب ءِ، بندیگ کنگ ءِ۔ وزیر ءِ کانود ءَ یک شمبے ءِ روچ ءَ سیاہ کشمیر ءِ روچ ءِ موہ ءَ وتی کلوہ ءِ تہ ءَ گوشت کہ بھارت ءِ نیمگ ءَ چہ مقبوضہ جموں ءُ کشمیر ءِ سر ءَ ناجائزیں قبضہ ءَ پد بھارت مقبوضہ کشمیر ءَ انسانی ھک آنی سر ءَ مدام لگتمالی کنگ ءَ انت۔ آئی ءَ گوشت کہ پاکستان ءَ بھارت ءِ گیر کانودی قبضہ ءِ ھلاپ ءَ زھرشانی کنگ ءُ اقوام متحدہ ءِ قرارداد آنی چیر دستی ءَ وتی عہد آنی سر ءَ عمل کنگ ءِ واستہ میاں اوستمانی براتی ءَ را زور پر دیگ ءِ واستہ مرچی سیاہیں روچ برجم دارگ ءَ انت۔ وزیر کانود ءَ گیش گوشت کہ بھارت انسانی ھک آنی سنگینیں لگتمالی ءِ ارتکاب ءَ برجاہ اِنت ءُ کشمیر ءِ زمین ءُ وسیلگ آنی سر ءَ وتی قبضہ ءَ را گیش مھکم کنگ ءِ واستہ سرکوبیں کانود آنی سر ءَ عمل کنگ ءَ اِنت۔ وزیر ءِ کانود ءَ گوشت کہ ما میاں اوستمانی براتی ءَ چہ لوٹ کن ایں کہ آ بھارت ءِ سر ءَ زور پر بہ دنت تانکہ اے گرانیں ھلاپ ورزی آنی ھلاسی بہ بیت ءُ کشمیر ءِ جیڈھ ءَ را ایمنی ءِ گوما گیواری ءِ واستہ اقوام متحدہ ءِ قرارداد آنی سر ءَ عمل کنگ ءَ را دل یکیمی بہ کنت۔
