اپیا،سموا۔26اکتوبر (اے پی پی):نائب مزن وزیر ءُ درئی کارانی وزیر محمد اسحاق ڈار ءَ گوں برطانیہ ءِ درئی کارانی وزیر ڈیوڈ لیمی ءَ اپیا ءِ سروک آنی دیوان (CHOGM2024) ءِ ساھت ءَ آسری گند ءُ نند کتگ۔ گند ءُ نند ءِ ساھت ءَ پاکستان ءُ برطانیہ ءِ نیام ءَ شریکداری ءَ را گیش مھکم کنگ ءِ واستہ یکجائی ءَ کار کنگ ءِ سر ءَ تپاک کتگ ءُ ایشی ءَ را گیشیں کوڑھ ءَ سر کنگ ءِ سر ءَ ھم گپ ءُ تران بوتگ۔ نائب مزن وزیر اسحاق ڈار ءَ ھم برطانیہ ءِ دری کارانی وزیر ءَ را پاکستان ءِ تر ءُ تاب ءِ دعوت داتگ۔
