ساموا ۔26اکتوبر (اے پی پی):نائب مزن وزیر، درئی کارانی وزیر سینیٹر محمد اسحاق ڈار ءَ گوشت کہ پاکستان یک مھکمیں جھان ءِ مالیاتی ڈھانچہ ءِ واھشت مند اِنت، پاکستان جمہوریت، انسانی ھک ءُ کانود ءِ حاکمی ءِ پد ءَ اِنت۔ نائب مزن وزیر محمد اسحاق ڈار ءَ شمبے ءِ روچ ءَ دولت مشترکہ ءِ سروک آنی دیوان ءَ گوں گشتانک دیان ءَ گوشت کہ دولت مشترکہ جھان ءِ تک ءَ سیاسی نظام ءَ را گہتر کنگ ءِ واستہ گامگیج کنگ ءَ انت۔ پاکستان دولت مشترکہ ءِ پلیٹ فارم ءِ وسیلگ ءَ دیمروئی، وشھالی ءُ امن ءُ ایمنی ءِ واستہ گامگیج آنی کمک ءَ کنت۔ آئی ءَ گوشت کہ پاکستان جمہوریت، انسانی ھک ءُ کانود ءِ حکمرانی ءِ واستہ یکزمیگ انت ۔ نائب مزن وزیر ءُ وزیر ءِ درئی کار ءَ گوشت کہ جیڈھ آنی گیواری ءِ ھوالگ ءَ دولت مشترکہ ءِ کرد ءَ را ساڑات آں ۔ آئی ءَ اے گپ ءِ سر ءَ زور پر دات کہ وت مہ وتی تجارت ءُ سرمایہ کاری ءَ را دیمروئی دیگ ءِ واستہ مصنوعی ذہانت ءِ زانت ءَ را کارمرد کنگ ءِ ضلورت اِنت۔ پاکستان یک مھکمیں جھان ءِ مالیاتی ڈھانچہ ءِ لوٹ اِنت۔ محمد اسحاق ڈار ءَ گیش گوشت کہ آزات ءُ منصفانہ گچین کاری، جوانیں حکومت داری ءُ انصاف ءِ پجاری ءِ رد ءَ دولت مشترکہ ءِ کرد ءَ را منگ بیت۔ آئی ءَ جوانیں مہمانداری ءِ ھاتر ءَ ساموآ حکومت ءِ ھم منت واری ءِ درشانی کت۔
