اسلام آباد۔26اکتوبر (اے پی پی):نیوزی لینڈ ءِ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کتگ۔ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ سینیٹر محمد اسحاق دارن ءَ ساموآ ءَ دولت مشترکہ ءِ سروک آنی دیوان ءِ ساھت ءَ نیوزی لینڈ ءِ دری کارانی وزیر ءَ گوں گند ءُ نند کتگ۔ اے موہ ءِ سر ءَ نائب مزن وزیر ءَ دوئیں ملک آنی نیام ءَ سیادی آناں گیش پراھی کنگ ءِ واستہ استیں موہ آناں کارمرد کنگ ءِ ضلورت ءِ سر ءَ زور پر دات۔ اے موہ ءِ سر ءَ دوئیں رہشون آں وت مہ وتی مفاد آنی واستہ دوئیں ملک آنی نیام ءَ دراھیں پڑ آنی تہ ءَ پراھ ءُ شاھگانیں سیادی آنی واستہ یکجائی راہ آنی شوھازگ ءِ سر ءَ ھم تپاک کت۔ نائب مزن وزیر ءُ دری کارانی وزیر ونسٹن پیٹرز ءَ ھم دو نیمگی تجارتی سیادی آناں گیش کنگ ءِ ضلورت ءِ سر ءَ زور پر دات، تجارت ءُ سرمایہ کاری، وانگ ءُ زانگ ءُ الس ءِ نیام ءَ سیادی آنی تہ ءَ دو نیمگی کمک ءَ را گیش کنگ ءِ ضلورت اِنت۔ اقوام متحدہ ءِ تہا پاکستان ءِ جتا جتائیں گامگیج آنی منوگری ءِ سر ءَ نیوزی لینڈ ءِ منت واری ءِ درشانی کنان ءَ وزیر ءِ درئی کار ءَ گوشت کہ دوئیں ملک یکجائی میراث ءُ یکجائی اخلاقیات ءِ وسیلگ ءَ یکجائی ءَ بندوک اَنت ءُ موثر کثیر جہتی ، جمہوریت ءُ انسانی شرپ ءِ مھکم کنگ ءِ تہ ءَ آوانی یکجائی مفاد اَنت۔
