اسلام آباد۔26اکتوبر (اے پی پی):صدر ءِ مملکت آصف علی زرداری ءَ شمالی وزیرستان ءِ دمگ میر علی ءَ وت کُشیں اُرش ءَ پولیس ءِ کارندہ ءُ بے گناہیں شہری آنی بیرانی ءِ سر ءَ دلپدردی ءُ رنج ءِ درشانی کتگ ءُ گوشت کہ پولیس ءِ کارندہ آنی سر ءَ اُرش سک باز اِنت۔ اے بزدلیں گامگیج اِنت۔ شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ پولیس چیک پوسٹ ءِ سر ءَ وت کُش اُرش ءِ مذمت کتگ ءُ گوشت کہ ناشرکار وتی نا شریں ارادہ آنی تہ ءَ کدی سوبمند نہ بنت۔ صدر ءِ مملکت ءَ ناشرکاری ءِ سرجمی ءَ ھلاسی ءِ واستہ ھمک رنگ ءِ گامگیج کنگ ءِ ضلورت ءِ سر ءَ زور پر دات۔ مملکت ءِ صدر ءَ شہیدیں افسر آناں احترام پیش کت ءُ کھول ءِ صبر ءُ ٹپیگ آنی زوت جان سلامتی ءِ دعا کت۔
