اسلام آباد۔26اکتوبر (اے پی پی):مزن وزیر محمد شہباز شریف ءَ گشتگ کہ ایران ءِ سرا اسرائیل ءِ انوگیں زوراکی ءِ سرا سک باز جیڈھ است انت۔ شمبے ءِ روچ ءَ مزن وزیر ءِ کارگس ءِ پریس ونگ ءِ نیمگ ءَ شنگ بوتگیں بیان ءِ رد ءَ مزن وزیر محمد شہباز شریف ءَ ایکس ءِ سر ءَ وتی ٹویٹ ءَ گوشت کہ آ ایران ءِ سر ءَ انوگیں وھد ءَ اسرائیل ءِ زوراکی ءِ سر ءَ سک پریشان اِنت، ءُ اسرائیل ءِ اے کارروائی ءِ سک باز مذمت کنت۔ آئی ءَ گوشت کہ اے رنگیں کار نہ ایوک ءَ دمگی امن ءُ ایمنی ءِ ھترہ انت بلکینگ ءَ اے کار وت واجہی ءُ میاں اوستمانی کانود ءِ اصول آنی لگتمالی انت۔ مزن وزیر محمد شہباز شریف ءَ گوشت کہ پاکستان ایمنی ءِ واستہ ایران ءُ ایندگر ھمساھگیں ملک آنی گوما یکجائی ءَ کار کنگ ءَ برجاہ دار ایت، پاکستان توامیں فریق آنی سر ءَ زور پر دنت کہ آ گیشیں کش ءُ چیل ءَ چہ بچگ ءِ واستہ گر ءُ دار بہ کن اَنت۔
