اسلام آباد۔26اکتوبر (اے پی پی):صدر ءِ مملکت آصف علی زرداری ءَ انگلینڈ ءِ ھلاپ ءَ ٹیسٹ سیریز ءِ سوبمندی ءِ سر ءَ پاکستان کرکٹ ٹیم ءَ را وتی مبارکی کلوہ ءِ تہ ءَ گوشت کہ پاکستان ٹیسٹ کرکٹ ٹیم ءَ انگلینڈ ءِ ھلاپ ءَ جوانیں گوازی کتگ۔ شمبے ءِ روچ ءَ صدر ءِ مملکت ایوان ءِ پریس ونگ ءِ نیمگ ءَ جاڑی بوتگیں مبارکی کلوہ ءِ تہ ءَ گوشت کہ انگلینڈ ءِ ھلاپ ءَ ٹیسٹ سیریز ءِ سوبمندی ءِ سر ءَ سرجمیں راج ءَ را مبارک بات دیگ ءَ آں من ءَ اُمیت اِنت کہ پاکستان ءِ کرکٹ ٹیم آیوکیں باندات ءَ ھم جوانیں لیب پیش دار ایت۔
