اسلام آباد۔25اکتوبر (اے پی پی): اپیا ءَ دولت مشترکہ ءِ سروک آنی حکومت ءِ دیوان ءِ موہ ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ جمہوریہ گھانا ءِ درئی کار ءُ دمگی یکجاھی ءِ وزیر ءَ را گوشت ، شرلی ایورکر ءَ بوتچوئی ءَ گوں ملاقات کتگ۔ جمعہ ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ پاکستان ءُ گھانا ءِ نیام ءَ دو نیمگی سیادی ءِ تیزیں رفتار ءَ را مدنظر دارگ ءَ نائب مزن وزیر سینیٹر اسحاق دار ءُ دری کارانی وزیر ایورکر ءَ وتی دوستی ءِ درشانی ءِ بنیاد ءَ میاں اوستمانی تک ءَ یکجائی اقدار، یکے دومی ءِ سر ءَ بھروسہ ءُ کمک ءِ سر ءَ آئی ءَ سیادی ءَ را گیش مھکم کنگ ءِ جزم ءِ درشان کت۔ ایشانی تہ ءَ جتاجتائیں شوبگ ھاسیں رنگ ءَ بیپار، سرمایہ کاری ءُ وانگ ءُ زانگ ءِ پڑ ءَ کمک ءِ تہ ءَ گیشی ءِ سر ءَ تپاک کنگ بوتگ۔ نائب مزن وزیر ءَ گھانا ءَ را اسلام آباد ءَ ریزیڈنٹ مشن ءِ پچ کنگ ءِ پیشکش کت تانکہ دوئیں ملک آنی نیام ءَ وت مہ وتی کمک ءَ را گیش مھکم کنگ بہ بیت۔ آئی ءَ نائب مزن وزیر ءَ را پاکستان ءَ را 26.2025 ءِ مدت ءِ واستہ اقوام متحدہ ءِ سلامتی کونسل ءِ غیر دائمی باسک گچین کنگ ءِ سر ءَ مبارکی دات۔
