اسلام آباد۔25اکتوبر (اے پی پی): ساموا ءَ دولت مشترکہ ءِ سروک آنی گند ءُ نند ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ دو نیمگی گند ءُ نند کت۔ جمعہ ءِ روچ ءَ درئی کارانی کارگس ءِ رد ءَ اے نائب مزن وزیر ءُ بنگلہ دیش ءِ درئی کارانی مشیر ءِ نیام ءَ وتی اگدہ ءِ سر ءَ نندگ ءَ پد اولی گند ءُ نند بوتگ۔ نائب مزن وزیر ءَ دوئیں ملک آنی نیام ءَ راجدپتری، مذہبی ءُ دود ءُ ربیدگی سیادی آنی سر ءَ زور پر دات۔ نائب مزن وزیر سینیٹر محمد اسحاق ڈار ءُ درئی کارانی وزیر محمد توہید حسین ءَ پاکستان ءُ بنگلہ دیش ءِ نیام ءَ مزن تک ءِ گپ ءُ تران ءِ دیمروئی ءِ سر ءَ تپاک کتگ ، ھاسیں رنگ ءَ تجارت ، دود ءُ ربیدگ ءِ تبادلہ ءُ مردم آنی نیام ءَ رابطہ ءِ پڑ ءَ ۔ فریق آنی نیام ءَ جتا جتائیں کثیر جہتی فورم آنی تہ ءَ کمک ءَ را گیش مھکم کنگ ءِ سر ءَ تپاک کنگ بوت۔ ایشانی تہ ءَ جنوبی ایشیائی آرگنائزیشن برائے ریجنل کوآپریشن سارک ءِ زندگ کنگ ءِ بابت ءَ ھم گپ ءُ تران کنگ بوت۔
