مزن وزیر بجلی ءِ نہادانی تہ ءَ کمی ءِ سر ءَ سرجمی ءَ دلگوشی دیگ ءَ اِنت، پنچ آئی پی پی بند کنگ بوتگ اَنت، ہشت آئی پی پی ءَ را زوت وشیں ھال رسگ ءَ اِنت، نوٹس آنی سر ءَ بنجاھی  وزیر ءِ اھوالکاری عطا اللہ تارڑ  ءِ دلگوشی

اسلام آباد۔25اکتوبر  (اے پی پی): بنجاھی  وزیر ءِ اھوالکاری، نشریات، راجی ورثہ ءُ دود ءُ ربیدگ عطا اللہ تارڑ  ءَ گوشت کہ مزن وزیر بجلی ءِ نرخ آنی تہ ءَ کمی ءِ سر ءَ سرجمیں دلگوشی دیگ ءَ اِنت، بجلی ءِ فی یونٹ ھرچ ءُ درچ ءَ را کمی کنگ بوتگ۔ بند کنگ بوتگ انت، 8 دگہ آئی پی پی آنی سر ءَ دوبر گپ ءُ    تران کنگ بوتگ ءُ    کنٹریکٹ آنی تہ ءَ ترمیم کنگ بوتگ، راج ءَ را زوت وشیں ھال رس ایت۔ جمعہ ءِ روچ ءَ راجی اسمبلی ءِ دیوان ءَ راجی اسمبلی ءِ باسک ابرار احمد، ملک شاکر بشیر اعوان ءُ    محترمہ آسیاناز تنولی ءِ دلگوشی ءِ نوٹس ءِ سر ءَ دلگوشی ءِ درشان کنان ءَ بنجاھی  وزیر ءِ اھوالکاری ءَ گوشت کہ نیپرا ءَ بجلی ءِ نہاد ءَ را گیش کتگ ۔ پیسہ فی یونٹ ءَ گوستگیں روچ ءَ سرجمیں ملک ءَ اے کمی سوخت ءِ نرخ ءِ ردوم ءِ سبب ءَ بوتگ۔ مزن وزیر شہباز شریف بجلی ءِ نہادانی تہ ءَ کمی ءِ سر ءَ سرجمی ءَ دلگوشی دیگ ءَ اِنت ۔ اے سال ءَ بنجاھی  حکومت ءَ یک یونٹ ءَ چہ 200 یونٹ ءَ بجلی ءِ کارمرد کنوکیں صارف آناں 50ارب کلدار سبسڈی داتگ ءُ پنجاب حکومت ءَ 201 ءَ چہ 500 یونٹ ءَ بجلی ءِ کارمرد کنوکیں صارف آناں 45ارب کلدار سبسڈی داتگ۔ آئی ءَ گوشت کہ اے سبسڈی ءَ ابید ھمک سال بنجاھی  حکومت 300یونٹ ءَ تاں بجلی ءِ کارمرد کنوکیں صارف آناں 276ارب کلدار سبسڈی دنت۔ کے الیکٹرک ءَ را 174ارب کلدار سبسڈی دیگ بوھگ ءَ انت ۔ بنجاھی  وزیر ءَ گوشت کہ لائف لائن ءُ    نان لائف لائن صارف آناں سالانہ بنیاد ءَ سبسڈی دیگ بیت، اے سال ءَ صارف آناں گیش سبسڈی دیگ بوتگ۔ پنچ آئی پی پی بند کنگ بوتگ انت، اے گامگیج ءَ چہ معیشت ءَ را ارباں کلدار ءِ سیت رسیت ءُ    گنجائش ءِ ادائیگی ءِ منٹ ھم کم بنت۔ آئی ءَ گوشت کہ جولائی ءَ بگر داں ستمبر 2024 ءَ پنچ آئی پی پی آنی سبسڈی، ایندھن ءِ ھرچ ءُ    درچ، ایڈجسٹمنٹ ءُ    بند کنگ ءَ چہ بجلی ءِ بل آنی تہ ءَ مزنیں فرق بوتگ۔ آئی ءَ گوشت کہ دگہ ھشت آئی پی پی آنی ھوالگ ءَ راج ءَ را گیش وشیں ھال دیگ بیت، اے آئی پی پی آنی گوما کنٹریکٹ آنی سر ءَ دوبر گپ ءُ    تران کنگ بوتگ، آھانی شرح کم کنگ بوتگ، ایشی ءَ چہ بازیں سد ارب کلدار ءِ بچت بیت۔ بنجاھی  وزیر ءَ گوشت کہ زمستان ءَ بجلی ءِ بل کم انت، آیوکیں گرماگ ءِ موسم ءَ چہ پیسر بجلی ءِ نرخ گیش کم کنگ بنت۔ آئی ءَ گوشت کہ زرّ ءِ ذخیرہ گیش بوتگ، اسٹاک مارکیٹ ءَ نوکیں ریکارڈ جوڑ کتگ، سود ءِ شرح کم بوتگ، اقتصادی اشارہ جوان انت۔ ما اقتصادی برجائی ءِ نیمگ ءَ روگ ءَ ایں ، حکومت بجلی ءِ جیڈھ ءِ سر ءَ سرجمی ءَ دلگوشی دیگ ءَ اِنت ۔